ຂ່າວສານ ແຈ້ງເຊີນປະມູນລາຄາ ເພື່ອຄັດເລືອກເອົາຜູ້ໃຫ້ບໍລິການ ແລະ ບຳລຸງຮັກສາ ສູນເກັບກຳຂໍ້ມູນ-ຂ່າວສານ ໄອທີ.

ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

ໜັງສືແຈ້ງເຊີນປະມູນ

ເຖິງ: ບັນດາບໍລິສັດຜູ້ໃຫ້ບໍລິການ ແລະ ບຳລຸງຮັກສາ ສູນເກັບກຳຂໍ້ມູນ-ຂ່າວສານໄອທີ.

ເລື່ອງ: ແຈ້ງເຊີນປະມູນລາຄາ ເພື່ອຄັດເລືອກເອົາຜູ້ໃຫ້ບໍລິການ ແລະ ບຳລຸງຮັກສາ ສູນເກັບກຳຂໍ້ມູນ-ຂ່າວສານ ໄອທີ.

ທະນາຄານການຄ້າ ຕ່າງປະເທດລາວ ມະຫາຊົນ ຂໍຖືເປັນກຽດແຈ້ງເຊີນມາຍັງບັນດາບໍລິສັດທີ່ມີຄວາມສົນໃຈເຂົ້າຮ່ວມການປະມູນລາຄາໂຄງການ “ບໍລິການ ແລະ ບຳລຸງຮັກສາ ສູນເກັບກຳຂໍ້ມູນ-ຂ່າວສານ ໄອທີ ທຄຕລ” (BCEL DATA CENTER) ໂຄງການຕັ້ງຢູ່ບ້ານໂພນປ່າເປົ້າ, ເມືອງສີສັດຕະນາກ, ນະຄອນຫຼວງວຽງຈັນ ເຊິ່ງມີລາຍລະອຽດດັ່ງນີ້:

ການປະມູນຈະດໍາເນີນຕາມຂັ້ນຕອນການປະມູນແບບເປີດກ້ວາງ ໂດຍອີງໃສ່ໜັງສືຄຳແນະນຳກ່ຽວກັບ ການຈັດຕັ້ງປະຕິບັດກົດໝາຍວ່າດ້ວຍການຈັດຊື້-ຈັດຈ້າງດ້ວຍທຶນຂອງລັດ ເລກທີ: 0477/ກງ ລົງວັນທີ 13 ກຸມພາ 2019.
ການປະມູນແມ່ນຈະດຳເນີນໃນຮູບແບບຂັ້ນຕອນດຽວ 2 ຊອງ (ແຈ້ງປະມູນຄັ້ງດຽວ ເພື່ອຍື່ນຊອງເອກະສານຄຸນວຸດທິ, ມາດຕະຖານເຕັກນິກ ແລະ ຊອງລາຄາໂຄງການ);
ບໍລິສັດທີ່ມີຄວາມສົນໃຈ ສາມາດພົວພັນເອົາເອກະສານ ແລະ ລາຍລະອຽດການປະມູນທີ່ຫ້ອງການອຳນວຍການ ທຄຕລ ສຳນັກງານໃຫຍ່ (ຊັ້ນ 5 ຕຶກ C) ເລີ່ມແຕ່ ວັນທີ 05 ທັນວາ 2024 ຈົນຮອດ ວັນທີ 24 ມັງກອນ 2025 (ມື້ປິດຮັບຊອງປະມູນ) ເວລາ 09:00 – 15:30 ໂມງ, ລາຍລະອຽດຊຸດເອກະສານປະມູນ ປະກອບມີດັ່ງນີ້:

ກ. ຊຸດເອກະສານປະມູນ 12 ພາກ (12 Sections);

ຂ. ໃບນຳສົ່ງເອກະສານ ການປະມູນ;

ຄ. ສັນຍາຮັກສາຄວາມລັບ.

ບໍລິສັດຕ້ອງຍື່ນຊອງເອກະສານປະມູນ ທີ່ຫ້ອງການອຳນວຍການ ທຄຕລ (ຊັ້ນ 5 ຕຶກ C) ສຳນັກງານໃຫຍ່ ພາຍໃນອາທິດສຸດທ້າຍ ກ່ອນປິດການປະມູນ ຄື ວັນທີ 20-24 ມັງກອນ 2025 ປິດຮັບເວລາ: 15:30ໂມງ ແລະ ຈະແຈ້ງຜົນການຄັດເລືອກບໍລິສັດ ບໍ່ເກີນ ວັນທີ 28 ກຸມພາ 2025;

ບໍລິສັດທີ່ມີຄວາມຕ້ອງການຊື້ຊອງເອກະສານປະມູນ ຕ້ອງເປັນບໍລິສັດລົງທຶນພາຍໃນປະເທດ ມີເອກະສານປະກອບການດຳເນີນທຸລະກິດຖືກຕ້ອງຕາມລະບຽບ ແລະ ກົດໝາຍຂອງ ສປປ ລາວ. ລາຍລະອຽດໄດ້ອະທິບາຍໃນເອກະສານ TOR ດ້ານຄຸນວຸດທິ ທີ່ບັນຈຸໃນຊອງຊຸດເອກະສານປະມູນ;
ບໍລິສັດຕ້ອງມີຜົນງານ ປະສົບການໃນການ ບໍລິການ ແລະ ບຳລຸງຮັກສາ ສູນເກັບກຳຂໍ້ມູນ-ຂ່າວສານ ໄອທີ ໃນ ສປປ ລາວ ທີ່ໄດ້ມາດຕະຖານໃນຊ່ວງໄລຍະ 10 ປີ ທີ່ຜ່ານມາ ໂດຍໂຄງການທີ່ມີຂະໜາດ 30 ເເຣັກ ຂຶ້ນໄປ. ບໍລິສັດສາມາດນຳເອກະສານສັນຍາ ຫຼື ໜັງສືຮັບຮອງຜົນງານຜ່ານມາ ມາສະແດງ;
ຖ້າບໍລິສັດໃດທີ່ມີປະສົບການໃນດ້ານການໃຫ້ບໍລິການ ແລະ ບຳລຸງຮັກສາ ສູນເກັບກຳຂໍ້ມູນ-ຂ່າວສານ ໄອທີ ດ້ານ ສະຖາບັນການເງິນ ຫຼື ໃນຂົງເຂດທຸລະກິດທີ່ຄ້າຍກັນ ຈະພິຈາລະນາເປັນພິເສດ;
ຖ້າບໍລິສັດໃດມີແຜນ ແລະ ຖານລູກຄ້າທີ່ແນ່ນອນໃນການນຳໃຊ້ ສູນເກັບກຳຂໍ້ມູນ-ຂ່າວສານ ໄອທີ ເພື່ອສ້າງລາຍຮັບເພີ່ມເຕີ່ມໃຫ້ກັບ ທຄຕລ ຈະໄດ້ຮັບການພິຈາລະນາເປັນພິເສດ;
ບໍລິສັດທີ່ຈະເຂົ້າຮ່ວມປະມູນຕ້ອງເປັນບໍລິສັດທີ່ສາມາດດຳເນີນງານໄດ້ເອງ ແລະ ຫ້າມເປັນການປະມູນໃນນາມນາຍໜ້າ ຫຼື ຂາຍຕໍ່ໃຫ້ບໍລິສັດອື່ນ;
ທຄຕລ ຈະສະຫງວນສິດບໍລິສັດ ໃຫ້ສາມາດເຂົ້າຮ່ວມການປະມູນໄດ້ພຽງພູດວຽກດຽວ (ໃນກໍລະນີຍື່ນເອກະສານເຂົ້າຮ່ວມ ການປະມູນວຽກງານໂຄງການ ໃຫ້ບໍລິການ ແລະ ບຳລຸງຮັກສາ ສຸນເກັບກຳຂໍ້ມຸນ-ຂ່າວສານ ໄອທີ ທຄຕລ (Data Hall) ແລ້ວ. ແມ່ນຈະບໍ່ສາມາດຍື່ນເອກະສານເຂົ້າຮ່ວມວຽກງານການ ໃຫ້ບໍລິການ, ກໍ່ສ້າງ, ສ້ອມແປງ ແລະ ຕົບແຕ່ງ (Utility) ໄດ້ຕື່ມອີກ, ໃນກໍລະນີຝ່າຝືນແມ່ນຈະຖືກຕັດສິດຈາກການປະມູນ.
ສອບຖາມລາຍລະອຽດເພີ່ມເຕີມ ກ່ຽວກັບການປະກອບເອກະສານຕ່າງ ໆ ກ່ອນການຍື່ນຊອງລະຫວ່າງ ວັນທີ 05/12/2024 ລົງມາ. ເວລາ 09:00 – 11:30 ໂມງ ແລະ 13:00 – 15:30 ໂມງ ທີ່ໝາຍເລກໂທລະສັບ (856) 20 23344556 ແລະ (856) 20 76555546 ຫຼື ທາງ ອີເມວ: datacenter_datahall@bcel.com.la ນອກຈາກເວລາດັ່ງກ່າວແລ້ວ ທຄຕລ ຈະຂໍສະຫງວນສິດໃນການຕອບຄຳຖາມໃດໆ ທັງໝົດ;