ຂ່າວສານ ແຈ້ງເຊີນເຂົ້າຮ່ວມການປະມູນລາຄາແບບຟອມ-ສິ່ງພິມ.

ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

ໜັງສືແຈ້ງເຊີນ

ເຖິງ: ບັນດາບໍລິສັດ, ໂຮງພິມ ຢູ່ໃນນະຄອນຫຼວງວຽງຈັນ.

ເລື່ອງ: ເຊີນເຂົ້າຮ່ວມການປະມູນລາຄາແບບຟອມ-ສິ່ງພິມ.

ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ຂໍແຈ້ງມາຍັງບັນດາບໍລິສັດ, ໂຮງພິມ ເພື່ອເຂົ້າຮ່ວມການປະມູນລາຄາແບບຟອມ-ສິ່ງພິມ ຈຳນວນ 18 ລາຍການ ດັ່ງລາຍການລຸ່ມນີ້:

ລ/ດ	ລາຍການ	ຂະໜາດ	ຫ/ໜ	ຈຳນວນ	ການຈັດສົ່ງ
1	ເຈ້ຍກາວປອກຮັດເງິນ	18*155 ມມ ການຫຸ້ມຫໍ່: 40 ກໍ້/ແກັດ	ແກັດ	750	2 ຄັ້ງ: ຄັ້ງລະ 375 ແກັດ; ຫ່າງກັນ 5 ເດືອນ, ແລະ ການຊຳລະເງິນແມ່ນຕາມການຈັດສົ່ງແຕ່ລະຮອບ.
2	ເທບກາວຕິດຫົວແຊັກ	ເຈ້ຍສະຕິກເກີ້ ສີແດງກ່ານ 25 * 85 ມມ, ການຫຸ້ມຫໍ່: 50 ແຜ່ນ/ຖົງ, 10 ຖົງ/ແກັດ	ຖົງ	800	1 ຄັ້ງ
3	ເຈ້ຍກົດບັດຄິວ_ກໍ້ນ້ອຍ	8*8 ຊມ, ຮູແກນ 1,5 ຊມ, ເຈ້ຍເທີມໍ 54 gsm; ການຫຸ້ມຫໍ່: 2 ກໍ້/ຖົງ, 25 ຖົງ/ແກັດ	ກໍ້	3,500	1 ຄັ້ງ
4	ເຈ້ຍເອຕິແກັດ ແບບອ່ອນ	ເຈ້ຍປອນ 55 gsm ຂະໜາດ 65*100 ມມ, ພິມ 1 ສີ 1ໜ້າ; ການຫຸ້ມຫໍ່: 1.000 ໃບ/ແກັດ	ແກັດ	35	1 ຄັ້ງ
5	ເຈ້ຍເອຕິແກັດ (ດ້ານຫຼັງ ຕັດມູມ)	ເຈ້ຍກ໋ອງແປັງ-ຫຼັງເທົາ 300 gsm, ຂະໜາດ 156*68 ມມ; ການຫຸ້ມຫໍ່: 500 ໃບ/ຫໍ່, 5 ຫໍ່/ມັດ	ຫໍ່	200	1 ຄັ້ງ
6	ເຈ້ຍເອຕິແກັດຕິດໂຄ້ນເງິນໃບ 500	ເຈ້ຍກ໋ອງແປັງ-ຫຼັງເທົາ 300 gsm, ພິມ 1ສີ 1ໜ້າ, ຂະໜາດ 156*68 ມມ, ການຫຸ້ມຫໍ່: 500 ໃບ/ຫໍ່, 5 ຫໍ່/ມັດ	ຫໍ່	15	1 ຄັ້ງ
7	ເຈ້ຍເອຕິແກັດຕິດໂຄ້ນເງິນໃບ 1,000		ຫໍ່	45	1 ຄັ້ງ
8	ເຈ້ຍເອຕິແກັດຕິດໂຄ້ນເງິນໃບ 2,000		ຫໍ່	30	1 ຄັ້ງ
9	ເຈ້ຍເອຕິແກັດຕິດໂຄ້ນເງິນໃບ 5,000		ຫໍ່	20	1 ຄັ້ງ
10	ເຈ້ຍເອຕິແກັດຕິດໂຄ້ນເງິນໃບ 10,000		ຫໍ່	60	1 ຄັ້ງ
11	ເຈ້ຍເອຕິແກັດຕິດໂຄ້ນເງິນໃບ 20,000		ຫໍ່	40	1 ຄັ້ງ
12	ເຈ້ຍເອຕິແກັດຕິດໂຄ້ນເງິນໃບ 50,000		ຫໍ່	250	1 ຄັ້ງ
13	ເຈ້ຍເອຕິແກັດຕິດໂຄ້ນເງິນໃບ 100,000		ຫໍ່	220	1 ຄັ້ງ
14	ປື້ມຝາກລູກຫຼານ	13*7,7 ຊມ 16+4 ໜ້າ, ພິມ 4 ສີ ເຈ້ຍປອນ 100 gsm, ໜ້າປົກເຈ້ຍລາຍຜ້າ OPALE 160 gsm ການຫຸ້ມຫໍ່: 100 ຫົວ/ແພັກ, 10 ແພັກ/ແກັດ	ຫົວ	3,000	1 ຄັ້ງ
15	ຊອງຂາວຍາວ	235*102 ມມ, ພິມ 4 ສີ 1 ໜ້າ ການຫຸ້ມຫໍ່: 50 ຊອງ/ແພັກ, 10 ແພັກ/ແກັດ	ຊອງ	30,000	1 ຄັ້ງ
16	ຊອງເຫຼືອງນ້ອຍ A5	10" * 7" ພິມ 4 ສີ 1 ໜ້າ ການຫຸ້ມຫໍ່: 50 ຊອງ/ແພັກ, 10 ແພັກ/ແກັດ	ຊອງ	20,000	1 ຄັ້ງ
17	ໃບແຈ້ງປະເພດເງິນຮັບ-ຟ້າ	ເຈ້ຍປອນ 70 gsm, ຂະໜາດ 90*195 ມມ ພິມ 1 ສີ 1 ໜ້າ; ການຫຸ້ມຫໍ່: 10 ຫົວ/ແພັກ, 5 ແພັກ/ມັດ	ຫົວ	2,000	1 ຄັ້ງ
18	ແຟັມ ທຄຕລ	ເຈ້ຍມັນ 310 gsm ເຄືອບດ້ານ 1 ໜ້າ, 23*31 ຊມ ໄດຄັດ ພິມ 4 ສີ; ການຫຸ້ມຫໍ່: 50 ອັນ/ຫໍ່, 5 ຫໍ່/ມັດ	ອັນ	7,000	1 ຄັ້ງ
ໝາຍເຫດ: ສາມາດເຂົ້າມາເບີ່ງຕົວຢ່າງແທ້ ຫຼື ຫາກຕ້ອງການຟາຍຮູບເພີ່ມຕື່ມ ສາມາດພົວພັນໄດ້ທີ່ ພະແນກຫ້ອງການບໍລິຫານ-ການເງິນ ທຄຕລ ສຳນັກງານໃຫຍ່ ຊັ້ນ 4 ຕຶກ C ແຕ່ວັນນີ້ ຈົນເຖິງ 28/02/2025 ໃນໂມງລັດຖະການ. ການຄັດເລືອກຜູ້ສະໜອງແມ່ນຈະຄັດເລືອກຈາກຫຼາຍເງື່ອນໄຂ (ບໍ່ໄດ້ຄັດເລືອກຈາກລາຄາພຽງຢ່າງດຽວ). ຜູ້ສະໜອງສາມາດເຂົ້າຮ່ວມປະມູນທັງໝົດ ຫຼື ບາງລາຍການກໍ່ໄດ້, ເຊິ່ງ ທຄຕລ ຈະພິຈາລະນາເປັນແຕ່ລະລາຍການ.

Ø ເງື່ອນໄຂຂອງຜູ້ສະໜອງທີ່ຕ້ອງການຮ່ວມຍື່ນຊອງປະມູນຕ້ອງປະກອບເອກະສານ ດັ່ງນີ້:

ເອກະສານຊອງທີ 1:

ປະກອບເອກະສານໃນນາມນິຕິບຸກຄົນ ສຳເນົາໃບທະບຽນວິສາຫະກິດ, ໃບອະນຸຍາດດຳເນີນທຸລະກິດປະຈຳ ປີ, ໃບຢັ້ງຢືນການເສຍອາກອນປະຈຳປີ 2022, 2023, 2024 ແລະ ສິນຄ້າຕົວຢ່າງ.
ຜູ້ສະໜອງຕ້ອງລະບຸລາຍລະອຽດສິນຄ້າ ພ້ອມທັງລະບຸເງື່ອນໄຂຕ່າງໆໃຫ້ຄົບຖ້ວນ ແລະ ກົງກັບຄວາມຕ້ອງ ການໃນຕາຕະລາງຂ້າງເທິງນີ້, ແຫຼ່ງຜະລິດສິນຄ້າ, ລະບຸໄລຍະເວລາໃນການຮັບປະກັນ, ລະບຸໄລຍະການຈັດສົ່ງ, ຜົນງານຜ່ານມາທີ່ເຄີຍສະໜອງສິນຄ້າປະເພດດັ່ງກ່າວໃຫ້ພາກສ່ວນອື່ນ (ຕາມແບບຟອມຄັດຕິດແຈ້ງເຊີນ).
ເອກະສານເງື່ອນໄຂຂໍ້ 1 ແລະ 2 ແມ່ນ ສົ່ງຟາຍສະແກນເຂົ້າມາທີ່ Email: procurement@bcel.com.la, ແລະ ສິນຄ້າຕົວຢ່າງ ແມ່ນໃຫ້ມາສົ່ງກ່ອນ ວັນທີ 28/02/2025 ເວລາ 11:00 ໂມງ ທີ່ພະແນກຫ້ອງການບໍລິຫານ-ການເງິນ ຊັ້ນ 4 ຕຶກ C.

ເອກະສານຊອງທີ 2 (ປິດຊອງ):

ທຄຕລ ຈະແຈ້ງສະເພາະຜູ້ທີ່ຜ່ານເງື່ອນໄຂຮອບທີ 01 ເທົ່ານັ້ນ ເພື່ອເຂົ້າມາຍື່ນຊອງລາຄາ ໃນວັນພຸດ,ທີ 12/03/2025 ເວລາ 09:00 ໂມງ. ສະນັ້ນ, ຜູ້ສະໜອງຈະຕ້ອງຖືຊອງລາຄາມາດ້ວຍຕົນເອງ ຫຼື ສົ່ງຜູ້ຕາງໜ້າເຂົ້າຮ່ວມທີ່ຫ້ອງປະຊຸມຊັ້ນ 05 ຕຶກ C.
ໃບສະເໜີລາຄາໃຫ້ລະບຸລາຄາ/ໜ່ວຍ ແລະ ລວມມູນຄ່າອາກອນທັງໝົດເປັນສະກຸນເງິນກີບ, ພ້ອມທັງລະບຸມື້ໝົດກຳນົດເວລາໃນໃບສະເໜີລາຄາດັ່ງກ່າວ (Expire date) ຢ່າງໜ້ອຍ 20 ວັນລັດຖະການ.
ຜູ້ສະໜອງຕ້ອງວາງເງິນຄໍ້າປະກັນການປະມູນຕໍ່າສຸດ 10% ຂອງມູນຄ່າທັງໝົດ ໂດຍໜັງສືຄໍ້າປະກັນທີ່ອອກ ໂດຍທະນາຄານພາຍໃນປະເທດ (ວັນໝົດອາຍຸໜັງສືຄໍ້າປະກັນຕ້ອງເຖິງ ວັນທີ 30/05/2025) ຫຼື ແຊັກທີ່ວີຊ້າແລ້ວ (ທຄຕລ ບໍ່ຮັບເງິນສົດ), ພາຍຫຼັງປະກາດຜົນ ທຄຕລ ຈະສົ່ງໜັງສືຄໍ້າປະກັນ/ແຊັກດັ່ງກ່າວຄືນ.

ໝາຍເຫດ: ທຄຕລ ຂໍສະຫງວນສິດ ປະຕິເສດຜູ້ສະໜອງທີ່ປະກອບເອກະສານ ບໍ່ຄົບຖ້ວນ ຫຼື ບໍ່ຖືກຕ້ອງຕາມການກຳນົດຂ້າງເທິງ.

Ø ເງື່ອນໄຂຂອງສັນຍາລະຫວ່າງ ທຄຕລ ແລະ ຜູ້ສະໜອງທີ່ຊະນະການປະມູນ:

ຜູ້ຊະນະການປະມູນຕ້ອງໄດ້ຜະລິດສິນຄ້າທີ່ສົມບູນ 01 ອັນ ທີ່ຖືກຕ້ອງຕາມ Spec ທີ່ ທຄຕລ ລະບຸມາຜ່ານຕາມ Artwork ທີ່ ທຄຕລ ກໍານົດພາຍໃນ 14 ວັນ ແລະ ຕ້ອງມີຄວາມສາມາດຈັດສົ່ງສິນຄ້າ ຈໍານວນທັງໝົດສໍາເລັດພາຍໃນ 30 ວັນລັດຖະການ ນັບຈາກມື້ຮອງຮັບແບບ ແລະ ໄດ້ຮັບໜັງສືສັ່ງຊື້.
ຖ້າຜູ້ຊະນະການປະມູນປະຕິເສດການເຊັນສັນຍາ, ຜູ້ຊະນະການປະມູນຕ້ອງໄດ້ຈ່າຍຄ່າເສຍຫາຍໃຫ້ແກ່ ທຄຕລ ໃນອັດຕາ 10% ຂອງມູນຄ່າລວມທີ່ສະເໜີປະມູນ.
ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ ແລະ ຄ່າທຳນຽມໃນການຈົດທະບຽນສັນຍາ ແມ່ນມອບໃຫ້ເປັນຄວາມຮັບຜິດຊອບຂອງຜູ້ສະໜອງ.
ການຊໍາລະແມ່ນຈ່າຍເງິນງວດດຽວ 100% ຕາມມູນຄ່າສັ່ງຊື້ ພາຍຫຼັງໄດ້ຮັບເຄື່ອງຄົບຖ້ວນ ພ້ອມທັງໄດ້ຮັບການຢັ້ງຢືນຈາກພາກສ່ວນກ່ຽວຂ້ອງ ແລະ ກວດກາຄວາມຖືກຕ້ອງຈາກທັງສອງຝ່າຍ ພາຍໃນ 30 ວັນລັດຖະການ.

ດັ່ງນັ້ນ, ຈຶ່ງອອກແຈ້ງເຊີນມາຍັງທ່ານທີ່ມີຄວາມສົນໃຈເຂົ້າຮ່ວມຍືນຊອງປະມູນໃນຄັ້ງນີ້.

ຜູ້ອໍານວຍການ