ຂ່າວສານ ແຈ້ງເຊີນເຂົ້າຮ່ວມປະມູນລາຄາ ລາຍການເຄື່ອງໃຊ້ຫ້ອງການ

ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

ໜັງສືແຈ້ງເຊີນ

ເຖິງ: ບັນດາບໍລິສັດ, ຫ້າງຮ້ານທີຜະລິດ ແລະ ສະໜອງເຄື່ອງໃຊ້ຫ້ອງການ.

ເລື່ອງ: ແຈ້ງເຊີນປະເມີນລາຄາເຄື່ອງໃຊ້ຫ້ອງການ.

ທະນາຄານການຄ້າຕ່າງປະເທດລາວ ມະຫາຊົນ ຂໍແຈ້ງມາຍັງທ່ານຊາບບັນດາບໍລິສັດ ແລະ ຫ້າງຮ້ານຕົວແທນຈຳໜ່າຍເຄື່ອງໃຊ້ຫ້ອງການ ເພື່ອນຳໃຊ້ເຂົ້າໃນວຽກງານວິຊາສະເພາະຂອງ ທຄຕລ ກຳນົດສົ່ງໃຫ້ ການຢື່ນຊອງປະເມີນລາຄາຕ້ອງປະກອບເອກະສານຕາມເງື່ອນໄຂດັ່ງລຸ່ມນີ້ :

ເຄື່ອງໃຊ້ຫ້ອງການ ຈໍຳນວນ 148 ລາຍການ (ລາຍການແມ່ນຕິດຄັດໃຫ້ດ້ານຫຼັງ ).

ຫ້າງຮ້ານທີຜະລິດ ແລະ ສະໜອງເຄື່ອງໃຊ້ຫ້ອງການມີຄວາມຕ້ອງການຍື່ນຊອງປະມູນຕ້ອງປະກອບເອກະສານກ່ຽວຂ້ອງດັ່ງລຸ່ມນີ້:

ເອກະສານຊອງທີ 1 (ບໍ່ປິດຊອງ).

ປະກອບເອກະສານໃນນາມນິຕິບຸກຄົນ ທີ່ດຳເນີນທຸລະກິດຈໍາໜ່າຍເຄື່ອງໃຊ້ຫ້ອງການ ແລະ ດຳເນີນທຸລະກິດ ຢ່າງໜ້ອຍ 03 ປີຂຶ້ນໄປ, ສໍາເນົາໃບທະບຽນວິສາຫະກິດ, ໃບຢັ້ງຢືນການເສຍອາກອນຢ່າງໜ້ອຍ ປີ 2019 ໃບຢັ້ງຢືນການເປັນຕົວແທນຈໍາໜ່າຍ ( ຖ້າມີ ).

ເອກະສານຊອງທີ 2 (ປິດຊອງ).

ໃບສະເໜີລາຄາໃຫ້ລະບຸລາຄາຫົວໜ່ວຍແຕ່ລະລາຍການ ແລະ ລວມມູນຄ່າອາກອນທັງໝົດເປັນສະກຸນເງິນກີບໃຫ້ຄົບຖ້ວນ.
ລະບຸໄລຍະເວລາໃນການຈັດສົ່ງສິນຄ້າຈັກວັນລັດຖະການຫຼັງໄດ້ຮັບໃບສັ່ງຊື້.

ກຳນົດຍື່ນຊອງທີ 1 ແລະ ຊອງທີ 2 ແມ່ນຍື່ນໃນວັນພຸດ, ວັນທີ 04/08/2021 ເວລາ 15:30ໂມງ ທີ່ພະແນກຫ້ອງການບໍລິຫານ-ການເງິນ ສໍານັກງານໃຫຍ່, ປ່ອງບໍລິການຂາເຂົ້າ-ຂາອອກ ຊັ້ນ 4 ອາຄານ C.

ໝາຍເຫດ: ທຄຕລ ຂໍສະຫງວນສິດ ປະຕິເສດຜູ້ສະໜອງທີ່ປະກອບເອກະສານ ບໍ່ຄົບຖ້ວນ ຫຼື ບໍ່ຖືກຕ້ອງຕາມການກຳນົດຂ້າງເທິງ.

ດັ່ງນັ້ນ, ຈຶ່ງແຈ້ງເຊີນມາຍັງທ່ານ ທີ່ມີຄວາມສົນໃຈຍື່ນຊອງສະເໜີລາຄາ ໃນຄັ້ງນີ້ດ້ວຍ.

ຜູ້ອໍານວຍການ

ທະນາຄານການຄ້າຕ່າງປະເທດລາວ ມະຫາຊົນ