ຂ່າວສານ ແຈ້ງເຊີນເຂົ້າຮ່ວມຍືນຊອງປະມູນ ແບບຟອມ ຂອງ ທຄຕລ

ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

ໜັງສືແຈ້ງເຊີນ

ເຖິງ: ບັນດາໂຮງພິມພາກລັດ ແລະ ເອກະຊົນ ພາຍໃນ ນະຄອນຫຼວງ ທີ່ນັບຖື.

ເລື່ອງ: ແຈ້ງເຊີນເຂົ້າຮ່ວມຍືນຊອງປະມູນ ແບບຟອມ ຂອງ ທຄຕລ.

ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ຂໍແຈ້ງເຊີນມາຍັງທ່ານຜູ້ສະໜອງ ທີ່ມີຄວາມສົນໃຈເຂົ້າຮ່ວມປະມູນລາຄາ ປື້ມຝາກມີກໍານົດ (ສີຂາວ), ໃບມອບເງິນສົດ ແລະ ໃບຢັ້ງຢືນທຸລະກໍາ ເພື່ອຮັບໃຊ້ເຂົ້າໃນວຽກງານວິຊາສະເພາະຂອງທະນາຄານ ລາຍລະອຽດສິນຄ້າ ມີດັ່ງຕາຕະລາງລຸ່ມນີ້:

ລ/ດ	ຮູບ	ລາຍການ
1		ປື້ມຝາກມິກຳນົດ (ສີຂາວ) ຈໍານວນ 15.000 ຫົວ. ຂະໜາດ 15.1*8.1 ຊມ, ປົກໃຊ້ເຈ້ຍອາດດ້ານ 110 g ພິມ 04 ສີ 01 ໜ້າ ເຄືອບດ້ານ 01 ໜ້າ, ເນື້ອໃນໃຊ້ເຈ້ຍປອນ 100 ແກຼມ ພິມ 01 ສີ 02 ໜ້າ, ລວມມີ 18 ໜ້າ, ເຂົ້າເຫຼັ້ມຫຍິບເນື້ອໃນແລ້ວຕິດປົກ. ການຫຸ້ມຫໍ່ ແມ່ນ 100 ຫົວ/ຫໍ່ (ແພັກດ້ວຍຖົງຢາງໃສ), 10 ຫໍ່/ແກັດ, ຕິດສິນຄ້າ ພ້ອມ ລະບຸລາຍລະອຽດ, ຈໍານວນ ສິນຄ້າແຕ່ລະແກັດ.
2		ໃບມອບເງິນສົດ ຈໍານວນ 1.500.000 ຊຸດ. ເຈ້ຍເຄມີ 3 ໃບ/ຊຸດ ( ຍີ່ຫໍ້ Oji ເກດ A ), ຂະໜາດ 16*18,8 ຊມ, ພິມ 4 ສີ ທຸກໜ້າ, ທາກາວແຍກຊຸດ. ການຫຸ້ມຫໍ່ ແມ່ນ 500 ຊຸດ/ຫໍ່, 5ຫໍ່/ມັດ, ຕິດສິນຄ້າ ພ້ອມ ລະບຸລາຍລະອຽດ, ຈໍານວນ ສິນຄ້າແຕ່ລະຫໍ່.
3		ແບບຟອມ ໃບຢັ້ງຢືນທຸລະກຳ ຂອງ ທຄຕລ ຈໍານວນ 3.000.000 ຊຸດ. ຂະໜາດ: 17.5 x 21 ຊມ. ເຈ້ຍເຄມີ 02 ໃບ/ຊຸດ ( ຍີ່ຫໍ້ Oji ເກດ A ). ພິມສີທຸກໜ້າ, ຕິດກາວຫົວ 02 ໃບ/ຊຸດ. ການຫຸ້ມຫໍ່ ແມ່ນ 500 ຊຸດ/ຫໍ່, 05ຫໍ່/ມັດ, ຕິດສິນຄ້າ ພ້ອມ ລະບຸລາຍລະອຽດ, ຈໍານວນ ສິນຄ້າແຕ່ລະຫໍ່.

ເອກະສານຊອງທີ 1 (ບໍ່ປິດຊອງ)

ສໍາເນົາ ໃບທະບຽນວິສາຫະກິດ, ໃບອະນຸຍາດດໍາເນີນທຸລະກິດ ປະຈໍາປີ 2021, ໃບຢັ້ງຢືນການມອບພັນທະອາກອນຢ່າງໜ້ອຍ ປີ 2020 ແລະ ປະສົບການໃນໄລຍະຜ່ານມາ (ຕ້ອງເປັນໂຮງພິມທີ່ມີປະສົບການ ຫຼື ດໍາເນີນທຸລະກິດສິ່ງພິມຢ່າງໜ້ອຍ 03 ປີຂື້ນໄປ).
ກະລຸນາ ຄັດຕິດຕົວຢ່າງເຈ້ຍ/ແບບຟອມ ມາພ້ອມ ຢ່າງໜ້ອຍຕົວຢ່າງລະ 01 ຫົວ/ອັນ/ຊຸດ (ຕາມຂະໜາດແບບຟອມຂອງ ທຄຕລ ທີ່ນໍາໃຊ້ປະຈຸບັນ, ສໍາລັບເຈ້ຍຕ້ອງເປັນເຈ້ຍຄຸນະພາບ ເກຼດ A).
ໃບສະເໜີ ພ້ອມລະບຸ ລາຍການແບບຟອມ ທີ່ຕ້ອງການເຂົ້າຮ່ວມໃຫ້ລະອຽດ: ຂະໜາດ, ຄຸນະພາບ, ຍີ່ຫໍ້ເຈ້ຍ ແລະ ກໍານົດເວລາຈັດສົ່ງຂອງສິນຄ້າແຕ່ລະລາຍການໃຫ້ຊັດເຈນ.
ກຳນົດຍື່ນຊອງ ກ່ອນວັນຈັນ, ວັນທີ 13/09/2021 ເວລາ 11:00 ໂມງ ທີ່ພະແນກຫ້ອງການບໍລິຫານ-ການເງິນ ສໍານັກງານໃຫຍ່, ປ່ອງບໍລິການຂາເຂົ້າ-ຂາອອກ ຊັ້ນ 04 ຕຶກ C.

ເອກະສານຊອງທີ 2 (ປິດຊອງ)

ໃບສະເໜີລາຄາໃຫ້ລະບຸເປັນສະກຸນເງິນກີບ, ລາຄາຫົວໜ່ວຍແຕ່ລະລາຍການ ແລະ ລວມອາກອນມູນຄ່າເພີ່ມໃຫ້ຄົບຖ້ວນ.
ວັນສຸກ, ທີ 17/09/2021 ເວລາ 9:30 ໂມງ ແມ່ນມື້ເປີດຊອງປະມູນ, ສະນັ້ນ ໂຮງພິມ ຈະຕ້ອງຖືຊອງລາຄາມາດ້ວຍຕົນເອງ ຫຼື ສົ່ງຜູ້ຕາງໜ້າເຂົ້າຮ່ວມທີ່ຫ້ອງປະຊຸມຊັ້ນ 03 ຕຶກ C.
ໂຮງພິມຜູ້ສະໜອງ ຕ້ອງລະບຸເງື່ອນໄຂຕ່າງໆ ມາໃຫ້ຄົບຖ້ວນ ແລະ ໃຫ້ກົງກັບຄວາມຕ້ອງການໃນຕາຕະລາງຂ້າງເທິງນັ້ນ.
ຜູ້ສະໜອງຕ້ອງວາງເງິນຄໍ້າປະກັນການປະມູນຕໍ່າສຸດ 2% ຂອງມູນຄ່າທັງໝົດ ໂດຍໜັງສືຄໍ້າປະກັນທີ່ອອກໂດຍທະນາຄານພາຍໃນ (ວັນໝົດອາຍຸໜັງສືຄໍ້າປະກັນຕ້ອງເຖິງ ວັນທີ 17/10/2021) ຫຼື ແຊັກທີ່ວີຊ້າແລ້ວ (ທຄຕລ ບໍ່ຮັບເງິນສົດ), ພາຍຫຼັງປະກາດຜົນ ທຄຕລ ຈະສົ່ງໜັງສືຄໍ້າປະກັນດັ່ງກ່າວຄືນ.

ໝາຍເຫດ: ທຄຕລ ຂໍສະຫງວນສິດ ປະຕິເສດຜູ້ສະໜອງທີ່ປະກອບເອກະສານ ບໍ່ຄົບຖ້ວນ ຫຼື ບໍ່ຖືກຕ້ອງຕາມການກຳນົດຂ້າງເທິງ.

ເງື່ອນໄຂຂອງສັນຍາລະຫວ່າງ ທຄຕລ ແລະ ຜູ້ສະໜອງທີ່ຊະນະການປະມູນ:

ຖ້າຜູ້ຊະນະການປະມູນປະຕິເສດການເຊັນສັນຍາ ຫຼື ບໍ່ຍື່ນເງິນຄໍ້າປະກັນການປະຕິບັດສັນຍາ ຜູ້ຊະນະການປະມູນຕ້ອງໄດ້ຈ່າຍຄ່າເສຍຫາຍໃຫ້ແກ່ ທຄຕລ ໃນອັດຕາ 2% ຂອງມູນຄ່າລວມທີ່ສະເໜີປະມູນ.
ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ ແລະ ຄ່າທຳນຽມໃນການຈົດທະບຽນສັນຍາ ແມ່ນມອບໃຫ້ເປັນຄວາມຮັບຜິດຊອບຂອງຜູ້ສະໜອງ.