ບັດ BCEL Prepaid Mastercard

ຜະລິດ​ຕະພັນບັດ BCEL My Way Mastercard

ຄຸນລັກສະນະ

• ແມ່ນບັດ Prepaid ທີ່ລູກຄ້າສາມາດສາມາດແຕ່ງຮູບພາບໜ້າບັດທີ່ຕົນເອງຕ້ອງການໄດ້ດ້ວຍຕົນເອງ.​ ໃຊ້ແທນການຖືເງິນສົດ, ເປັນບັດ Chip ຕາມມາດຕະຖານສາກົນເຊິ່ງມີຄວາມປອດໄພສູງ, ສາມາດນໍາໃຊ້ເພື່ອຖອນເງິນສົດ ຫຼື ໃຊ້ຊໍາລະຄ່າສິນຄ້າ ຫຼື ການບໍລິການຕ່າງໆຕາມຄຸນລັກສະນະຂອງແຕ່ລະຊະນິດ ແລະ ແຕ່ລະປະເພດຂອງບັດ.
• ແມ່ນບັດເດບິດແບບຕື່ມເງິນລູກຄ້າຕ້ອງຕື່ມເງິນເຂົ້າບັດກ່ອນຈຶ່ງສາມາດນໍາໃຊ້ເພື່ອຊໍາລະຄ່າສິນຄ້າ  ແລະ ບໍລິການ ຢູ່ຕາມຮ້ານຄ້າທີ່ມີສັນຍາລັກຮັບບັດ Mastercard  ຫລື ຖອນເງິນສົດຈາກ ຕູ້ ATM ໄດ້.

• ເຊິ່ງລູກຄ້າສາມາດຕື່ມເງິນເຂົ້າບັດຜ່ານ BCEL One ແລະ ປ່ອງບໍລິການ ທຄຕລ.

ຄ່າສະໝັກສະມາຊິກ

• ຄ່າສະໝັກສະມາຊິກ My Way Prepaid 20 ໂດລາ
• ຄ່າບໍາລຸງຮັກສາປະຈໍາປີ: ບໍ່ມີ
• ວົງເງິນຕື່ມເຂົ້າບັດ/ມື້: ແຕ່ 10-10,000 ໂດລາ
• ການເຕີມເງິນເຂົ້າບັດ Prepaid Mastercard ແມ່ນອີງຕາມນະໂຍບາຍປະກາດນໍາໃຊ້ໃນແຕ່ລະໄລຍະຂອງ ທຄຕລ.

​ເງື່ອນໄຂ

ເງື່ອນໄຂສຳລັບຮູບພາບທີ່ສາມາດນຳໃຊ້ໄດ້ກັບບັດ MyWay Mastercard

• ຮູບພາບທີ່ທ່ານນຳມາເພື່ອສະໝັກຂໍນຳໃຊ້ບັດ MyWay Mastercard ຕ້ອງບໍ່ຂັດກັບເງື່ອນໄຂ ແລະ ຂໍ້ກຳນົດທີ່ລະບຸໄວ້ລຸ່ມນີ້. ຮູບທີ່ທ່ານນຳໃຊ້ຕົກແຕ່ງເພື່ອສະໝັກຂໍນຳໃຊ້ບັດ MyWay Prepaid Mastercard ຕ້ອງເປັນຮູບພາບທີ່ທ່ານເປັນເຈົ້າຂອງກຳມະສິດໃນການນຳໃຊ້. ຮູບພາບ ແລະ ຂໍ້ມູນທີ່ກ່າວໄວ້ຂ້າງລຸ່ມນີ້ ແມ່ນຫ້າມບໍ່ໃຫ້ນຳໃຊ້ເພື່ອສະໝັກນຳໃຊ້ບັດ:

1. ເຄື່ອງໝາຍການທາງການຄ້າ ຫຼື ຮູບພາບທີ່ເປັນການລະເມີດຕໍ່ລິຂະສິດ, ແບຣນດິ້ງຂອງພາກສ່ວນອື່ນທີ່ບໍ່ກ່ຽວຂ້ອງກັບການສະໝັກຂໍນຳໃຊ້ບັດ.
2. ຂໍ້ມູນເບີໂທລະສັບ, ເລກບັນຊີ, ທີ່ຢູ່, ຫຼື ຊື່ເວັບໄຊທ໌.
3. ຮູບພາບຂອງຄົນທີ່ມີຊື່ສຽງ
4. ຮູບພາບຂອງບຸກຄົນອື່ນທີ່ບໍ່ແມ່ນເຈົ້າຂອງບັດ, ຍົກເວັ້ນເຈົ້າຂອງບັດໄດ້ຮັບອະນຸຍາດຈາກບຸກຄົນໃນຮູບພາບໃຫ້ສາມາດນຳໃຊ້ຢ່າງເປັນລາຍລັກອັກສອນໄດ້.
5. ເຄື່ອງໝາຍ, ຂໍ້ມູນ, ຫຼື ຕົວເລກທີ່ກ່ຽວຂ້ອງກັບການເມືອງ, ເສດຖະກິດ
6. ຮູບພາບທີ່ສື່ເຖິງເພດ ຫຼື ຄວາມຮຸນແຮງ
7. ຮູບພາບໂປ້ ຫຼື ຮູບພາບເປືອຍ ບໍ່ວ່າຈະເປັນເພດໃດ ຫືຼ ອາຍຸເທົ່າໃດກໍ່ຕາມ.​
8. ຮູບພາບທີ່ກ່ຽວກັບສິ່ງມຶນເມົາ, ຢາປົວພະຍາດ, ຢາເສບຕິດ ຫຼື ອາວຸດຕ່າງໆ.​
9. ຮູບພາບຂອງໃບເງິນ ທຸກສະກຸນເງິນ
10. ແລະ ຮູບອື່ນໆທີ່ ທະນາຄານເຫັນວ່າບໍ່ເໝາະສົມ.

Ø ຫລັງຈາກທີ່ທ່ານອັບໂຫລດຮູບພາບ, ໝາຍຄວາມວ່າທ່ານຢັ້ງຢືນເຖິງຄວາມຖືກຕ້ອງຂອງການເປັນເຈົ້າຂອງກຳມະສິດ ແລະ ຄອບຄອງສິດການນຳໃຊ້ຮູບຢ່າງຖືກຕ້ອງຕາມລະບຽບກົດໝາຍ ໂດຍບໍ່ຂັດກັບລິຂະສິດ, ເຄື່ອງໝາຍທາງການຄ້າ, ສິດທິສາທາລະນະ, ສິດທິສ່ວນບຸກຄົນ ແລະ ສິດທິອື່ນໆຂອງບຸກຄົນອື່ນ. ຖ້າມີກໍລະນີ ຖືກຮ້ອງຟ້ອງ ຫຼື ຂັດແຍ່ງໃດໆທີ່ເກີດຂຶ້ນຈາກການນຳໃຊ້ຮູບທີ່ທ່ານໂຫລດເຂົ້າເພື່ອການຂໍສະໝັກນຳໃຊ້ບັດ, ເຈົ້າຂອງບັດຈະຕ້ອງຮັບຜິດຊອບຕໍ່ຜົນເສຍທີ່ຈະເກີດຂຶ້ນແຕ່ພຽງຜູ້ດຽວໂດຍບໍ່ມີຂໍ້ຂັດແຍ່ງໃດໆ.​

ຜະລິດ​ຕະພັນບັດ BCEL Prepaid Mastercard

ຄຸນລັກສະນະ

• ແມ່ນບັດ Prepaid ທີ່ລູກຄ້າສາມາດຂໍສະເໜີອອກໃນຮູບແບບທຳມະດາ Standard design. ລູກຄ້າສາມາດສະໝັກຜ່ານ BCEL One ແຕ່ບໍ່ສາມາດເລືອກແບບໜ້າບັດໄດ້. ພຽງແຕ່ບໍ່ສາມາດເລືອກແຕ່ງຮູບໜ້າບັດໄດ້ຄືກັບບັດ My way. ແຕ່ມີຄຸນລັກສະນະການນໍາໃຊ້ ຄືກັນ ທັງຊໍາລະສະສາງ, ຖອນເງິນສົດ ແລະ Shopping Online.
• ແມ່ນບັດເດບິດແບບຕື່ມເງິນລູກຄ້າຕ້ອງຕື່ມເງິນເຂົ້າບັດກ່ອນຈຶ່ງສາມາດນໍາໃຊ້ເພື່ອຊໍາລະຄ່າສິນຄ້າ  ແລະ ບໍລິການ ຢູ່ຕາມຮ້ານຄ້າທີ່ມີສັນຍາລັກຮັບບັດ Mastercard  ຫລື ຖອນເງິນສົດຈາກ ຕູ້ ATM ໄດ້.ເຊິ່ງລູກຄ້າສາມາດຕື່ມເງິນເຂົ້າບັດຜ່ານ BCEL One ແລະ ປ່ອງບໍລິການ ທຄຕລ.

ຄ່າສະໝັກສະມາຊິກ

• ຄ່າສະໝັກສະມາຊິກ Standard Prepaid 15 ໂດລາ
• ຄ່າບໍາລຸງຮັກສາປະຈໍາປີ: ບໍ່ມີ
• ວົງເງິນຕື່ມເຂົ້າບັດ/ມື້: ແຕ່ 10-10,000 ໂດລາ
• ການເຕີມເງິນເຂົ້າບັດ Prepaid Mastercard ແມ່ນອີງຕາມນະໂຍບາຍປະກາດນໍາໃຊ້ໃນແຕ່ລະໄລຍະຂອງ ທຄຕລ.