ຂ່າວສານ ແຈ້ງເຊີນປະມູນຮັບເໝົາບໍາລຸງຮັກສາແອເຢັນ

ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

ໜັງສືແຈ້ງເຊີນປະມູນ

ເຖີງ: ບັນດາບໍລິສັດ, ວິສາຫະກິດ ຈັດຈຳໜ່າຍ, ຕິດຕັ້ງ ແລະ ສ້ອມແປງແອເຢັນ.

ເລື່ອງ: ແຈ້ງເຊີນປະມູນຮັບເໝົາບໍາລຸງຮັກສາແອເຢັນຂອງ ທຄຕລ ສໍານັກງານໃຫຍ່

ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ຂໍຖືເປັນກຽດແຈ້ງເຊີນມາຍັງບັນດາທ່ານ ເຂົ້າຮ່ວມ ຍື່ນຊອງປະມູນລາຄາບຳລຸງຮັກສາແອເຢັນຂອງ ທຄຕລ ສຳນັກງານໃຫຍ່ ຈໍານວນ 176 ໜ່ວຍ ດັ່ງລາຍລະອຽດ ລຸ່ມນີ້:

ລາຍລະອຽດໜ້າວຽກ:

ລ້າງອະນາໄມທຳຄວາມສະອາດ Filter ແລະ ໜ້າກາກ;
ຖອດມໍເຕີ້ລົງລ້າງທຳຄວາມສະອາດ;
ລ້າງທຳຄວາມສະອາດຟິນຄອຍ;
ດູດ ແລະ ເປົ່າທຳຄວາມສະອາດທໍ່ນໍ້າເສຍ (ໂດຍໃຊ້ Blower);
ກວດເຊັກຈຸດຕໍ່ສາຍໄຟໃນລະບົບ ແລະ ຍຶດດນ໋ອດສາຍໄຟໃຫ້ແໜ້ນໜາ;
ກວດເຊັກຮອບມໍເຕີຂອງພັດລົມ ແລະ ແຮງດັນລົມ;
ກວດເຊັກສະປີດ, ເທີໂມລູມ ແລະ ອຸນຫະພູມ;
ລ້າງທຳຄວາມສະອາດແຜ່ນຄອຍຄອນແດນຊິງ, ຄອຍປໍ້ານໍ້າແຮງດັນສູງ;
ກວດເຊັກການເຮັດວຽກຂອງມໍເຕີລະບາຍຄວາມຮ້ອນ;
ກວດເຊັກລະບົບຄວາມດັນຂອງລະບົບນໍ້າຢາ ແລະ ກຳລັງອັດຂອງຄອມເພສເຊີ;
ກວດກາຄວາມຄົງທີ່ຂອງກະແສໄຟຟ້າ;
ກວດກາລະດັບສຽງພ້ອມທັງປັບແຕ່ງ;
ກວດກາການເຮັດວຽກຂອງສະວິດຕ່າງໆເຊັ່ນ: ສະວິດ Auto, Manual ແລະ ສະວິດພິເສດ (ຊຸດຄຸມ);
ກວດກາລະບົບ, ລ້າງທໍ່ແອ ແລະ ເຮັດຄວາມສະອາດຖາດຮອງນໍ້າ ເພື່ອໃຫ້ນໍ້າແອໄຫຼສະດວກ;
ເຮັດຄວາມສະອາດຄອຍເຢັນ ແລະ ຄອຍຮ້ອນ;
ເຕີມນໍ້າຢາແອ ແລະ ນ້ຳມັນຄອມເພສເຊີ ກໍລະນີຈຳເປັນ;
ເຕີມນໍ້າມັນຫຼໍ່ລື່ນມໍເຕີ ແລະ ລູກປືນພັດລົມ ກໍລະນີຈຳເປັນ;
ກວດກາລະບົບເຮັດຄວາມເຢັນທັງໝົດລວມທັງການກວດກາຄອມເພສເຊີສະປິງຄອມເພສເຊີ ແລະ ລະບົບນໍ້າຢາທັງຫຼາຍ;
ກວດກາລະບົບໄຟຟ້າທັງໝົດເຊັ່ນ: ຊຸດຄອນໂທນ, ຂົ້ວໄຟຟ້າຂອງອຸປະກອນຕ່າງໆພາຍໃນເຄື່ອງ;
ລ້າງເຮັດຄວາມສະອາດພັດລົມລະບາຍຄວາມເຢັນ ແລະ ພັດລົມລະບາຍຄວາມຮ້ອນ ແລະ ອື່ນໆຕາມຄວາມເໝາະສົມ;
ບຳລຸງຮັກສາ 4 ຄັ້ງ/ປີ ຫຼື 3 ເດືອນ/ຄັ້ງ ເປັນໄລຍະເວລາ 2 ປີ.

ລາຍລະອຽດການປະກອບເອກະສານ:
ເອກະສານ ຊອງທີ 1 (ບໍ່ປິດຊອງ):

ປະກອບເອກະສານໃນນາມນິຕິບຸກຄົນທີ່ດຳເນີນທຸລະກິດໃຫ້ບໍລິການຈັດຈຳໜ່າຍ ແລະ ບຳລູງຮັກສາເຄື່ອງແອເຢັນ, ມີປະສົບການຢ່າງໜ້ອຍ 4 ປີຂຶ້ນໄປ (ສໍາເນົາໃບທະບຽນວິສາຫະກິດ, ໃບອະນຸຍາດດຳເນີນທຸລະກິດ, ໃບຢັ້ງຢືນການເສຍອາກອນ ປະຈຳປີ 2024) ພ້ອມໃບຢັ້ງຢືນຜົນງານ ແລະ ປະສົບການທີ່ຜ່ານມາ;
ກຳນົດຍື່ນ ຊອງທີ 1 ລະຫວ່າງວັນທີ 17/03/2025-25/04/2025 ເວລາ 8:30 – 15:30 ໂມງ ທີ່ພະແນກ ຫ້ອງການບໍລິຫານ-ການເງິນ ສຳນັກງານໃຫຍ່ ທີ່ປ່ອງຂາເຂົ້າ-ຂາອອກ ຊັ້ນ 4 ອາຄານ C.

Ø ເອກະສານ ຊອງທີ 2 (ປິດຊອງ):

ໃບສະເໜີລາຄາ 1 ຊຸດ ເຊິ່ງລາຄາແມ່ນໃຫ້ ລະບຸລາຄາສະເລ່ຍຕໍ່ໜ່ວຍ/ຄັ້ງ ໂດຍບໍ່ແຍກຍີ່ຫໍ້ ແລະ ຄວາມແຮງຂອງແອ, ການສະເໜີລາຄາຕ້ອງເປັນສະກຸນເງິນກີບ ແລະ ລວມອາກອນ ມູນຄ່າເພີ່ມ 10% ເຊິ່ງລາຄາດັ່ງກ່າວແມ່ນສະເພາະແຕ່ຄ່າແຮງງານ ໂດຍບໍ່ລວມຄ່າອາໄຫຼ່ ໃນການສ້ອມແປງ ຫຼື ປ່ຽນຖ່າຍ;
ຜູ້ສະໜອງຕ້ອງວາງເງິນຄໍ້າປະກັນການປະມູນຕໍ່າສຸດ 10% ຂອງມູນຄ່າທັງໝົດຕາມສັນຍາ (ມູນຄ່າທັງໝົດ = ລາຄາຕໍ່ໜ່ວຍ x ຈໍານວນແອ x 2 ປີ) ໂດຍໜັງສືຄໍ້າ ປະກັນທີ່ອອກໂດຍທະນາຄານພາຍໃນ (ວັນໝົດອາຍຸໜັງສືຄໍ້າປະກັນຕ້ອງເຖິງ ວັນທີ 17/06/2025) ຫຼື ແຊັກທີ່ວີຊ່າແລ້ວ (ທຄຕລ ບໍ່ຮັບເງິນສົດ), ພາຍຫຼັງປະກາດຜົນ ທຄຕລ ຈະສົ່ງໜັງສືຄໍ້າປະກັນ ດັ່ງກ່າວຄືນ;
ໃນວັນທີ 30/04/2025 ເວລາ 09:00 ໂມງ ແມ່ນມື້ເປີດຊອງລາຄາປະມູນ, ໃຫ້ຜູ້ສະໜອງທີ່ຜ່ານການຄັດເລືອກຈາກເອກະສານຊອງທີ 1 ມາຍື່ນຊອງລາຄາດ້ວຍ ຕົນເອງ ຫຼື ສົ່ງຜູ້ຕາງໜ້າເຂົ້າຮ່ວມທີ່ຫ້ອງປະຊຸມຊັ້ນ 5 ອາຄານ C.

ໝາຍເຫດ: ເງື່ອນໄຂຂອງສັນຍາລະຫວ່າງ ທຄຕລ ແລະ ຜູ້ສະໜອງທີ່ຊະນະການປະມູນ:

ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ ເປັນເວລາ 2 ປີ ແລະ ຄ່າທໍານຽມໃນການຈົດທະບຽນ ສັນຍາ ແມ່ນມອບໃຫ້ເປັນຄວາມຮັບຜິດຊອບຂອງຜູ້ຮັບເໝົາ;
ການຊໍາລະຄ່າບໍລິການແມ່ນຊຳລະຕາມຈຳນວນແອຕົວຈິງທີ່ບຳລຸງຮັກສາໃນຊຸດນັ້ນ, ຈໍານວນແອອາດມີການເພີ່ມຂຶ້ນ ຫຼື ຫຼຸດລົງ ຕາມການໃຊ້ງານຕົວຈິງໃນແຕ່ລະໄລຍະ ເຊິ່ງຊໍາລະພາຍຫຼັງທີ່ສໍາເລັດການກວດວຽກໃນແຕ່ລະຄັ້ງ;
ທຄຕລ ຂໍສະຫງວນສິດໃນການປະຕິເສດຜູ້ສະໜອງໃດທີ່ປະກອບເອກະສານບໍ່ຄົບຖ້ວນ ຫຼື ບໍ່ຖືກຕ້ອງ ຕາມການກຳນົດໃນໜັງສືແຈ້ງເຊີນນີ້;
ກໍລະນີແອມີການເປ່ເພທີ່ຕ້ອງໄດ້ສ້ອມແປງ ຜູ້ທີ່ຊະນະການປະມູນ ຫຼື ຜູ້ໃຫ້ບໍລິການ ຕ້ອງຄິດໄລ່ສະເພາະຄ່າອາໄຫຼ່ທີ່ຕ້ອງປ່ຽນ ໂດຍບໍ່ໃຫ້ຄິດໄລ່ຄ່າແຮງງານໃນການສ້ອມແປງເພີ່ມ.

ດັ່ງນັ້ນ, ຈຶ່ງແຈ້ງເຊີນມາຍັງທ່ານ ທີ່ມີຄວາມສົນໃຈເຂົ້າຮ່ວມຍືນຊອງປະມູນໃນຄັ້ງນີ້ດ້ວຍ.

ຜູ້ອໍານວຍການ

ຜູ້ປະສານງານ

ທ່ານ ພູວອນ ສໍອິນໄຊ

020 59559889