ຂ່າວສານ ໜັງສືແຈ້ງເຊີນເຂົ້າຮ່ວມການປະມູນລາຄາເຄື່ອງທີ່ລະນືກ ຂອງ ທຄຕລ

ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

ໜັງສືແຈ້ງເຊີນ

ເຖິງ: ບັນດາບໍລິສັດ/ຫ້າງຮ້ານຕົວແທນຈໍາໜ່າຍ ສິນຄ້າເຄື່ອງທີ່ລະນຶກ ຢູ່ໃນນະຄອນຫຼວງວຽງຈັນ.

ເລື່ອງ: ເຊີນເຂົ້າຮ່ວມການປະມູນລາຄາເຄື່ອງທີ່ລະນືກ ຂອງ ທຄຕລ.

ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ຂໍແຈ້ງມາຍັງບັນດາບໍລິສັດ/ຫ້າງຮ້ານຕົວແທນ ຈໍາໜ່າຍສິນຄ້າເຄື່ອງທີ່ລະນຶກ ເພື່ອເຂົ້າຮ່ວມການປະມູນລາຄາ ທີ່ ທຄຕລ ຈະນຳໃຊ້ເປັນເຄື່ອງທີ່ລະນຶກໃຫ້ແກ່ລູກຄ້າ ຕາມລາຍລະອຽດລຸ່ມນີ້:

ລ/ດ

ລາຍການ

ຈຳນວນ / ຮູບພາບ

ຈອກແກ້ວ 4 ໜ່ວຍ/ກັບ

ມີແຂບຄຳ ຢູ່ປາກຈອກ, ສະກຼີນໂລໂກ້ສີທອງ 01 ຈຸດ
ບັນຈຸໃສ່ກັບເຈ້ຍສີແດງ-ແຂງ, ສະກຼີນໂລໂກ້ສີທອງ 01 ຈຸດ

4,000 ກັບ

(16,000 ໜ່ວຍ)

ຈອກແກ້ວ 1 ໜ່ວຍ/ກັບ

ມີແຂບຄຳ ຢູ່ປາກຈອກ, ສະກຼີນໂລໂກ້ສີທອງ 01 ຈຸດ
ບັນຈຸໃສ່ກັບເຈ້ຍສີແດງ-ແຂງ, ສະກຼີນໂລໂກ້ສີທອງ 01 ຈຸດ

25,000 ໜ່ວຍ

ປາກກາ

ນໍ້າມຶກສີຟ້າ, ຫົວປາກກາ 0,7 mm.
ພິມສີໂລໂກ້ 1 ຈຸດ
ການຫຸ້ມຫໍ່: 50 ກ້ານ/ກັບ, 10 ກັບ/ແກັດ.

43,000 ກ້ານ

ຄັນຮົ່ມກ້ານສັ້ນ 02 ພັບ

ຜ້າ: 190T Polyester ເຄືອບກັນ UV ສີດຳ, ໂຄງເຫຼັກດໍາ, ພິມສີຕາມ Artwork.
ດ້າມຈັບ: ພຼາສຕິກ, ປຸ່ມກົດມືເປິດ
ສາຍຮັດ: ແບບຕິດ
ຊອງໃສ່ຄັນຮົ່ມ: ຊອງຜ້າສີແດງ
ການຫຸ້ມຫໍ່: 12 ກ້ານ/ກັບ, 10 ກັບ/ແກັດ.

13,500 ກ້ານ

ຄັນຮົ່ມສອງຊັ້ນ 30 ນິ້ວ

ຜ້າ: 190T Polyester ເຄືອບກັນ UV ສີປອນເງິນ, ໂຄງເຫຼັກດໍາ, ພິມສີຕາມ Artwork.
ດ້າມຈັບ: ພຼາສຕິກ, ປຸ່ມກົດມືເປິດ
ສາຍຮັດ: ແບບຕິດ
ຊອງໃສ່ຄັນຮົ່ມ: ຊອງຜ້າສີແດງ
ການຫຸ້ມຫໍ່: 10 ກ້ານ/ກັບ, 10 ກັບ/ແກັດ.

2,000 ກ້ານ

ປື້ມບັນທຶກ

ຂະໜາດ A5, ໃສ່ຢ່ວງຂາວເຕັມເຫຼັ້ມ
ປົກແດງໜ້າ-ຫຼັງ ເຈ້ຍກາກຕົງ ເບີ 24 ພິມສີດ້ານ, ປົກຫຼັງພິມສອງໜ້າ
ເຈ້ຍທາງໃນ: ເຈ້ຍປອນຂາວໜາ 80 ແກຼມ ຈໍານວນ 200 ໜ້າ (100 ໃບ) ບໍ່ລວມໜ້າປົກ, ດ້ານໃນພິມ ໂລໂກ້ ທຄຕລ ຕາມ Artwork.
ການຫຸ້ມຫໍ່: 20 ຫົວ/ແກັດ.

ໜ້າປົກ

10,000 ຫົວ

ຖົງຜ້າ

ຜ້າ Canvas ຂະໜາດ 27*37*15,5 cm
ຫູຫີ້ວຍາວ 32,5 cm
ໃສ່ດຸມແຕັບ
ພິມສີຕາມ Artwork.
ການຫຸ້ມຫໍ່: 100 ຖົງ/ແກັດ.

8,000 ຖົງ

ຖົງເຈ້ຍ ທຄຕລ

ເຈ້ຍ 210 ແກຣມ ເຄືອບ PVC 1 ໜ້າ; ຂະໜາດ 28*12*35 cm;
ຫູຫິ້ວເຊືອກແດງສອງເສັ້ນ, ຍາວ 12 cm.
ພື້ນຮອງດ້ວຍເຈ້ຍແຂງໜາ;
ພິມສີຕາມ Artwork;
ການຫຸ້ມຫໍ່: 100 ຖົງ/ແກັດ.

17,000 ຖົງ

ຈອກນໍ້າ ເກັບອຸນຫະພູມ

Tumbler TB17-510 ml
ທາງໃນເປັນສະແຕນເລດ SUS 304
ພິມສີຕາມ Artwork.
ການຫຸ້ມຫໍ່: 25 ໜ່ວຍ/ແກັດ.

7,000 ໜ່ວຍ

ໝາຍເຫດ:

ສາມາດເຂົ້າມາເບີ່ງຕົວຢ່າງ ຫຼື ຫາກຕ້ອງການຟາຍຮູບເພີ່ມຕື່ມ ສາມາດພົວພັນໄດ້ທີ່ ພະແນກຫ້ອງການບໍລິ ຫານ-ການເງິນ ສຳນັກງານໃຫຍ່ ຊັ້ນ 4 ຕຶກ C ແຕ່ວັນນີ້ ຈົນເຖິງທີ 02/04/2025 ໃນໂມງລັດຖະການ.
ຜູ້ສະໜອງສາມາດເຂົ້າຮ່ວມປະມູນທຸກລາຍການ ຫຼື ລາຍການໃດໜຶ່ງ ກໍ່ໄດ້, ສ່ວນການພິຈາລະນາແມ່ນ ທຄຕລ ຈະຄັດເລືອກ ແຍກເປັນແຕ່ລະລາຍການ.
ການຄັດເລືອກຜູ້ສະໜອງແມ່ນຈະຄັດເລືອກຈາກຫຼາຍເງື່ອນໄຂ (ບໍ່ໄດ້ຄັດເລືອກຈາກລາຄາພຽງຢ່າງດຽວ).

Ø ເງື່ອນໄຂຂອງຜູ້ສະໜອງທີ່ຕ້ອງການຮ່ວມຍື່ນຊອງປະມູນຕ້ອງປະກອບເອກະສານ ດັ່ງນີ້:

ເອກະສານຊອງທີ 1:

ປະກອບເອກະສານໃນນາມນິຕິບຸກຄົນ ສຳເນົາໃບທະບຽນວິສາຫະກິດ, ໃບຢັ້ງຢືນການເສຍອາກອນປະຈຳປີ 2021, 2022, 2023.
ຜູ້ສະໜອງຕ້ອງລະບຸລາຍລະອຽດສິນຄ້າ ພ້ອມທັງລະບຸເງື່ອນໄຂຕ່າງໆໃຫ້ຄົບຖ້ວນ ແລະ ກົງກັບຄວາມຕ້ອງການ ໃນຕາຕະລາງຂ້າງເທິງນີ້, ແຫຼ່ງຜະລິດສິນຄ້າ, ລະບຸໄລຍະເວລາໃນການຮັບປະກັນ, ລະບຸໄລຍະ ການຜະລິດ, ຜົນງານຜ່ານມາທີ່ເຄີຍສະໜອງສິນຄ້າປະເພດຕັ້ງກ່າວໃຫ້ພາກສ່ວນອື່ນ (ຕາມແບບຟອມຄັດ ຕິດແຈ້ງເຊີນ).
ເອກະສານເງື່ອນໄຂ ຂໍ້ 1 ແລະ 2 ແມ່ນ ສົ່ງຟາຍ pdf ເຂົ້າມາທີ່ Email: procurement@bcel.com.la,ສິນຄ້າຕົວຢ່າງທີ່ຈະເຂົ້າຮ່ວມປະມູນ ແມ່ນໃຫ້ມາສົ່ງກ່ອນ ວັນພຸດ, ທີ 02/04/2025 ເວລາ 11:00 ໂມງ ທີ່ພະແນກຫ້ອງການບໍລິຫານ-ການເງິນ ຊັ້ນ 4 ຕຶກ C.

ເອກະສານຊອງທີ 2 (ປິດຊອງ):

ທຄຕລ ຈະແຈ້ງສະເພາະຜູ້ທີ່ຜ່ານເງື່ອນໄຂ ຮອບທີ 01 ເທົ່ານັ້ນ ເພື່ອເຂົ້າມາຍື່ນຊອງລາຄາ ໃນວັນພະຫັດ, ທີ 10/04/2025 ເວລາ 09:00 ໂມງ. ສະນັ້ນ, ຜູ້ສະໜອງຈະຕ້ອງຖືຊອງລາຄາມາດ້ວຍຕົວເອງ ຫຼື ສົ່ງຜູ້ຕາງໜ້າເຂົ້າຮ່ວມທີ່ຫ້ອງປະຊຸມຊັ້ນ 05 ຕຶກ C.
ໃບສະເໜີລາຄາໃຫ້ລະບຸ ລາຄາ/ໜ່ວຍ ແລະ ລວມມູນຄ່າອາກອນທັງໝົດເປັນສະກຸນເງິນກີບ, ພ້ອມທັງລະບຸມື້ໝົດກຳນົດເວລາໃນໃບສະເໜີລາຄາດັ່ງກ່າວ (Expire date) ຢ່າງໜ້ອຍ 20 ວັນລັດຖະການ.
ຜູ້ສະໜອງຕ້ອງວາງເງິນຄໍ້າປະກັນການປະມູນຕໍ່າສຸດ 10% ຂອງມູນຄ່າທັງໝົດ ໂດຍໜັງສືຄໍ້າປະກັນທີ່ອອກ ໂດຍທະນາຄານພາຍໃນປະເທດ (ວັນໝົດອາຍຸໜັງສືຄໍ້າປະກັນຕ້ອງເຖິງ ວັນທີ 30/06/2025) ຫຼື ແຊັກທີ່ວີຊ້າແລ້ວ (ບໍ່ຮັບເງິນສົດ), ພາຍຫຼັງປະກາດຜົນ ທຄຕລ ຈະສົ່ງໜັງສືຄໍ້າປະກັນດັ່ງກ່າວຄືນພາຍໃນ 10 ວັນ.

ໝາຍເຫດ: ທຄຕລ ຂໍສະຫງວນສິດ ປະຕິເສດຜູ້ສະໜອງທີ່ປະກອບເອກະສານ ບໍ່ຄົບຖ້ວນ ຫຼື ບໍ່ຖືກຕ້ອງຕາມການກຳນົດຂ້າງເທິງ.

Ø ເງື່ອນໄຂຂອງສັນຍາລະຫວ່າງ ທຄຕລ ແລະ ຜູ້ສະໜອງທີ່ຊະນະການປະມູນ:

ຜູ້ຊະນະການປະມູນຕ້ອງໄດ້ຜະລິດສິນຄ້າຕົວຈິງ 01 ອັນ ທີ່ຖືກຕ້ອງຕາມ Spec ທີ່ ທຄຕລ ລະບຸ ມາຜ່ານຕາມ Artwork ທີ່ ທຄຕລ ກໍານົດ ພາຍໃນ 14 ວັນ ແລະ ຕ້ອງມີຄວາມສາມາດຈັດສົ່ງສິນຄ້າ ຈໍານວນທັງໝົດສໍາເລັດພາຍໃນ 45 ວັນ ນັບຈາກມື້ຮອງຮັບແບບ ແລະ ໄດ້ຮັບໜັງສືສັ່ງຊື້.

ຖ້າຜູ້ຊະນະການປະມູນປະຕິເສດການເຊັນສັນຍາ, ຜູ້ຊະນະການປະມູນຕ້ອງໄດ້ຈ່າຍຄ່າເສຍຫາຍໃຫ້ແກ່ ທຄຕລ ໃນອັດຕາ 10% ຂອງມູນຄ່າລວມທີ່ສະເໜີປະມູນ.
ຜູ້ທີ່ຊະນະການປະມູນຈະໄດ້ເຊັນສັນຍາກັບ ທຄຕລ ແລະ ຄ່າທຳນຽມໃນການຈົດທະບຽນສັນຍາ ແມ່ນມອບໃຫ້ເປັນຄວາມຮັບຜິດຊອບຂອງຜູ້ສະໜອງ.
ການຊໍາລະແມ່ນຈ່າຍເງິນງວດດຽວ 100% ຕາມມູນຄ່າສັ່ງຊື້ ພາຍຫຼັງໄດ້ຮັບເຄື່ອງຄົບຖ້ວນ, ພ້ອມທັງໄດ້ຮັບການຢັ້ງຢືນຈາກພາກສ່ວນກ່ຽວຂ້ອງ ແລະ ກວດກາຄວາມຖືກຕ້ອງຈາກທັງສອງຝ່າຍ ພາຍໃນ 30 ວັນລັດຖະການ.

ດັ່ງນັ້ນ, ຈຶ່ງອອກແຈ້ງເຊີນມາຍັງທ່ານທີ່ມີຄວາມສົນໃຈເຂົ້າຮ່ວມຍືນຊອງປະມູນໃນຄັ້ງນີ້.

ຜູ້ອໍານວຍການ

ຕິດຕໍ່ສອບຖາມຂໍ້ມູນເພີ່ມຕື່ມ:

021 213200 ຕໍ່ 414