ຂ່າວສານ ເຊີນເຂົ້າຮ່ວມການປະມູນພາຫະນະເກົ່າ ຢູ່ທີ່ ທະນາຄານການຄ້າຕ່າງປະເທດລາວ ມະຫາຊົນ (ສໍານັກງານໃຫຍ່).

ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

ແຈ້ງການ

ເຖິງ: ບຸກຄົນ, ນິຕິບຸກຄົນ ແລະ ພາກສ່ວນຕ່າງໆ.

ເລື່ອງ: ເຊີນເຂົ້າຮ່ວມການປະມູນພາຫະນະເກົ່າ ຢູ່ທີ່ ທະນາຄານການຄ້າຕ່າງປະເທດລາວ ມະຫາຊົນ (ສໍານັກງານໃຫຍ່).

ອີງຕາມໜັງສືແຈ້ງການຈາກ ກົມປະຕິຮູບລັດວິສະຫະກິດ ແລະ ການປະກັນໄພ ກະຊວງການເງິນ ສະບັບເລກທີ 1068-02/ປລປ, ລົງວັນທີ 08 ກັນຍາ 2023;
ອີງຕາມບົດບັນທຶກກວດກາປະເມີນລາຄາພາຫະນະຂອງ ທຄຕລ ຈາກກົມຄຸ້ມຄອງວິສາຫະກິດລັດລົງທຶນ ແລະ ການປະກັນໄພ ກະຊວງການເງິນ ຄັ້ງວັນທີ 16 ມັງກອນ 2025.

ທະນາຄານການຄ້າຕ່າງປະເທດລາວ ມະຫາຊົນ ຂໍຖືເປັນກຽດແຈ້ງມາຍັງ ບຸກຄົນ, ນິຕິບຸກຄົນ, ແລະ ພາກສ່ວນຕ່າງໆ ຜູ້ທີ່ມີຄວາມສົນໃຈເຂົ້າຮ່ວມປະມູນ, ພາຫະນະ ເກົ່າໝົດຫຼຸ້ຍຫ້ຽນ ຂອງ ທຄຕລ ຈໍານວນທັງໝົດ 15 ຄັນ (ລົດໃຫຍ່ ຈໍານວນ 09 ຄັນ ແລະ ລົດຈັກ ຈໍານວນ 06 ຄັນ).

ຜູ້ທີ່ສົນໃຈສາມາດເຂົ້າມາເບິ່ງລົດ ຕົວຈິງໄດ້ທີ່:

ທຄຕລ ສາງໂພນທັນ (ບ້ານ ໂພນທັນ, ເມືອງ ໄຊເສດຖາ, ນະຄອນຫຼວງວຽງຈັນ) ຈະຕ້ອງໄດ້ຈອດລົດໄວ້ທາງນອກສາງໂພນທັນ ທຄຕລ ແລະ ເອົາບັດປະຊາຊົນ ແຈ້ງຕໍ່ພະນັກງານຮັກສາຄວາມປອດໄພ ພ້ອມລົງທະບຽນກ່ອນເຂົ້າເບິ່ງລົດຕົວຈິງ.
ວັນຈັນ-ວັນສຸກ ພາກເຊົ້າ: 08:30 ໂມງ - 11:30 ໂມງ.
ວັນຈັນ-ວັນສຸກ ພາກບ່າຍ: 13:30 ໂມງ - 15:30 ໂມງ.

ຊື້ຊອງປະມູນໄດ້ທີ່ ທຄຕລ ສໍານັກງານໃຫຍ່ ພະແນກຫ້ອງການບໍລິຫານ ແລະ ການເງິນ (ຊັ້ນ 4) ຕຶກ C ວັນທີ 23-25/04/2025 ເວລາ 8:30-15:00 ໂມງ.
ກໍານົດຍື່ນຊອງປະມູນກ່ອນມື້ສຸດທ້າຍ ເວລາ 09:00 ໂມງ ແລະ ຈະທໍາການເປີດຊອງປະມູນ ເວລາ 09:00 ໂມງ ຂອງວັນອັງຄານ,ວັນທີ 29/04/2025 ທີ່ຫ້ອງປະຊຸມໃຫຍ່ຕຶກ C ຊັ້ນ 4 ທຄຕລ ສໍານັກງານໃຫຍ່.

ດັ່ງນັ້ນ, ຈຶ່ງແຈ້ງມາຍັງບັນດາທ່ານ ທີ່ມີຄວາມສົນໃຈຢາກເຂົ້າຮ່ວມປະມູນຊາບ.

ຜູ້ອໍານວຍການ

ພົວພັນຂໍ້ມູນ ແລະ ເບິ່ງພາຫະນະຈິງ

ທ່ານ ວຽງທະສອນ ໂທ: 020 2318 1118

ພົວພັນຊື້ຊອງປະມູນ

ທ່ານ ນ ຈັນວາລີ ໂທ:020 5498 2615

ທ້າວ ວໍລະຈິດ ໂທ: 020 2245 8476 / 020 9371 5772

ຕາຕະລາງລາຍການລົດທີຈະປະມູນ

ລ/ດ	ປະເພດລົດ	ຍີ່ຫໍ້	ທະບຽນ	ສີ	ເລກຈັກ	ເລກຖັງ	ປີນໍາໃຊ້	ມູນຄ່າຊື້ (ກີບ)	ລາຄາກາງ (ກີບ)
1	ລົດກະບະ	TOYOTA HILUX	ກກ 2935	ປອນເງີນ	2KDU130188	MROFR22G000621410	10/09/2012	312,485,500.00	95,000,000.00
2	ລົດກະບະ	TOYOTA HILUX	ກຣ 5588	ປອນເງີນ	2KDŒ5836027	MROFR22G700619167	8/08/2012	308,962,500.00	95,000,000.00
3	ລົດກະບະ	TOYOTA HILUX	ກຈ 7129	ປອນເງີນ	2KDD287451	MROFR22G2DD760857	6/05/2013	292,878,000.00	90,000,000.00
4	ລົດກະບະ	TOYOTA HILUX	ກຈ 2926	ປອນເງີນ	2KDU125953	MROFR22GX00621060	12/01/2012	308,962,500.00	95,000,000.00
5	ລົດກະບະ	TOYOTA HILUX	ກຈ 2962	ປອນເງີນ	2KD5849284	MROFR22G400620048	9/07/2012	308,962,500.00	95,000,000.00
6	ລົດຕູ້	TOYOTA HIACE	ກຈ 1387	ປອນເງີນ	2KD5727259	JTFSS22P100108854	12/01/2012	304,950,000.00	85,000,000.00
7	ລົດຕູ້	TOYOTA HIACE	ກຈ 1396	ປອນເງີນ	2KD5705132	JTFSS22PX00107783	7/04/2012	304,950,000.00	85,000,000.00
8	ລົດຕູ້	TOYOTA HIACE	ກຄ 3150	ປອນເງີນ	2KD5240098	JTFSS22P500038764	20/12/2010	281,400,000.00	83,000,000.00
9	ລົດຕູ້	TOYOTA HIACE	ກຄ 6210	ປອນເງີນ	2KDA084234	JTFJSO2P400033910	7/02/2013	280,836,000.00	80,000,000.00
10	ລົດຈັກ	HONDA ວິບາກ	ຈກ 3969	ແດງ	L1255E5596221	L12555742124	15/12/2008	39,68,090.00	5,000,000.00
11	ລົດຈັກ	HONDA WAVE 100	ຈກ 5004	ແດງ-ດໍາ	NF100E8140285	NF1008140285	22/08/2007	11,172,000.00	3,000,000.00
12	ລົດຈັກ	HONDA WAVE 100	ຈກ 3503	ປອນດໍາ	NF100E8128037	NF1008128037	3/06/2008	10,973,000.00	3,000,000.00
13	ລົດຈັກ	HONDA WAVE 100	ຈກ 6413	ແດງ-ດໍາ	NF100E8149746	NF100E8149746	18/03/2009	11,280,000.00	3,000,000.00
14	ລົດຈັກ	HONDA WAVE 100	ຈຂ 4474	ດໍາ	NF100E8162170	NF1008162170	27/04/2010	11,457,000.00	3,000,000.00
15	ລົດຈັກ	HONDA WAVE 100	ຈຄ 6837	ແດງ-ດໍາ	NF100ŒE 8201032	NF1008201032	19/03/2012	11,633,000.00	3,000,000.00

ຄະນະກໍາມະການປະມູນຊັບສົມບັດ

ສາທາລະນະລັດ ປະຊາທິປະໄຕ ປະຊາຊົນລາວ

ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນະຖາວອນ

ທະນາຄານການຄ້າຕ່າງປະເທດລາວ ມະຫາຊົນ

ຄະນະກໍາມະການປະມູນຊັບສົມບັດ ນະຄອນຫຼວງວຽງຈັນ, ວັນທີ / /2025

ລະບຽບປະມູນຂາຍພາຫະນະເກົ່າ

ພາຫະນະທີ່ປະມູນແມ່ນຕາມສະພາບທີ່ເປັນຢູ່, ທຄຕລ ຈະບໍ່ຮັບປະກັນຄຸນນະພາບ ຫຼື ສ້ອມແປງໃດໆໃຫ້.
ເອກະສານປະມູນແມ່ນເປັນຂອງຄະນະກໍາມະການອອກໃຫ້ (ຊອງປະມູນ).
ຄະນະກໍາມະການໄດ້ຕົກລົງເຫັນດີຂາຍຊອງປະມູນລົດໃຫຍ່ໃນລາຄາ 500.000 ກີບ/ຊອງ ແລະ ຕໍ່ຄັນໂດຍຊໍາລະເຂົ້າບັນຊີເງິນກີບເລກທີ: 0101100084768 ອອກຊື່: SELLING-BUYING BCEL ASSETS.
ຄະນະກໍາມະການໄດ້ຕົກລົງເຫັນດີຂາຍຊອງປະມູນລົດຈັກໃນລາຄາ 200.000 ກີບ/ຊອງ ແລະ ຕໍ່ຄັນໂດຍຊໍາລະເຂົ້າບັນຊີເງິນກີບເລກທີ: 0101100084768 ອອກຊື່: SELLING-BUYING BCEL ASSETS.
ຜູ້ທີ່ໃສ່ມູນຄ່າປະມູນສູງສຸດຖືວ່າເປັນຜູ້ຊະນະການປະມູນ ແລະ ຕ້ອງໄດ້ມາຊໍາລະຄ່າລົດພາຍໃນກໍານົດ 07 ວັນລັດຖະການ ຈຶ່ງຈະສາມາດເອົາພາຫະນະອອກໄດ້.
ໃນກໍລະນີມີຜູ້ປະມູນໃສ່ຊອງເທົ່າກັນຕ້ອງໄດ້ປະມູນໃໝ່ກັບທີ່ໂດຍຖືເອົາມູນຄ່າເທົ່າກັນເປັນໂຕຖານ.
ຜູ້ຊະນະການປະມູນ ຕ້ອງວາງເງິນຄໍ້າປະກັນການປະມູນຢ່າງໜ້ອຍ 10% ຂອງມູນຄ່າທັງໝົດ ໂດຍໜັງສືຄໍ້າປະກັນທີ່ອອກໂດຍທະນາຄານພາຍໃນ (ວັນໝົດອາຍຸໜັງສືຄໍ້າປະກັນຕ້ອງເຖິງ ວັນທີ 30/06/2025) ຫຼື ແຊັກທີ່ວີຊ້າແລ້ວ (ທຄຕລ ບໍ່ຮັບເງິນສົດ), ພາຍຫຼັງປະກາດຜົນ ທຄຕລ ຈະສົ່ງໜັງສືຄໍ້າປະກັນດັ່ງກ່າວຄືນ.
ຜູ້ຊະນະການປະມູນ ຫາກຕ້ອງການຈະສະລະສິດ ຈະຖືກຍຶດເງິນມັດຈໍາ 10% ຂອງມູນຄ່າທີ່ໄດ້ປະມູນ, ພ້ອມນີ້ຄະນະກໍາມະການຈະປະມູນໃໝ່ໂດຍຖືເອົາລາຄາຜູ້ຊະນະນັ້ນມາຕັ້ງ.
ຜູ້ທີ່ມາຍື່ນຊອງປະມູນຈະຕ້ອງໄດ້ມາລໍຖ້າຟັງຜົນປະມູນດ້ວຍຕົນເອງ.
ລາຍຈ່າຍໃນການຂຶ້ນທະບຽນ ແລະ ຄ່າໃຊ້ຈ່າຍຕ່າງໆ ແມ່ນຕົກເປັນພາລະຂອງຜູ້ປະມູນໄດ້.
ພາຍຫຼັງໄດ້ເຮັດໃບຊື້ຂາຍແລ້ວຜູ້ທີ່ປະມູນໄດ້ ຕ້ອງແລ່ນເອກະສານເພື່ອປ່ຽນປ້າຍພາຍໃນ 45 ວັນ.