ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

ບໍລິການ ນຳເຂົ້າສິນຄ້າ

ບໍລິການ ນຳເຂົ້າສິນຄ້າ

1. ເປີດ LC ຂາເຂົ້າ

ໜັງສືສິນເຊື່ອ
ຄຸນລັກສະນະ	ການໃຫ້ບໍລິການເປີດ L/C ເປັນບໍລິການທີ່ອຳນວຍຄວາມສະດວກ ແລະ ສ້າງຄວາມເຊື່ອໝັ້ນໃຫ້ຜູ້ນໍາເຂົ້າສິນຄ້າກັບຜູ້ຂາຍ ດ້ວຍການໃຫ້ທະນາຄານ ຜູ້ທີ່ມີຄວາມເຊື່ອຖືເປັນຜູ້ເຮັດໜ້າທີ່ ໃນການຊໍາລະສະສາງສິນຄ້ານໍາເຂົ້າໃຫ້ກັບຜູ້ຂາຍທີ່ຢູ່ຕ່າງປະເທດແທນຜູ້ນໍາເຂົ້າສິນຄ້າ. ດັ່ງນັ້ນ, ທ່ານຜູ້ຕ້ອງການນໍາເຂົ້າສິນຄ້າຈາກຕ່າງປະເທດຈື່ງມີຄວາມຈໍາເປັນຕ້ອງເປີດ L/C ກັບທະນາຄານເພື່ອເຮັດໃຫ້ຜູ້ຂາຍທີ່ຢູ່ຕ່າງປະເທດ ໝັ້ນໃຈວ່າ ຈະໄດ້ຮັບການຊໍາລະຄາ ສິນຄ້າຈາກທະນາຄານຢ່າງແນ່ນອນ ແລະ ຜູ້ນໍາເຂົ້າກໍ່ໝັ້ນໃຈໄດ້ວ່າສິນຄ້າທີ່ຕົນນໍາເຂົ້າທະນາຄານຈະຊໍາລະເງິນໃຫ້ຜູ້ຂາຍແນ່ນອນເຊັ່ນກັນ ເມື່ອຜູ້ຂາຍຫາກປະຕີບັດຖືກຕ້ອງຕາມເງື່ອນໄຂທີ່ໄດ້ລະບຸຢູ່ໃນ L/C. ດ້ວຍປະສົບການໃນການໃຫ້ບໍລິການກ່ວາ 20 ປີ, ທຄຕລ ເປັນທະນາຄານທີ່ໄດ້ຮັບການຍອມຮັບໃນຖານະເປັນສື່ກາງການຊໍາລະເງິນຈາກສະຖາບັນການເງິນທົ່ວໂລກ, ທ່ານຈະໝັ້ນໃຈໄດ້ວ່າການຊໍາລະເງິນຄ່າສິນຄ້າສົ່ງເຖິງຄູ່ຄ້າຂອງທ່ານຢ່າງແນ່ນອນ ແລະ ຈະໄດ້ຮັບຄວາມສະດວກ ແລະ ວ່ອງໄວ. ທ່ານສາມາດໃຊ້ບໍລິການເປີດໜັງສືສິນເຊື່ອໄດ້ທີ່ ສໍານັກງານໃຫຍ່ ຂອງ ແລະ ທຸກສາຂາ ຂອງ ທຄຕລ ໃນທົ່ວປະເທດ.
ຜົນປະໂຫຍດ ຂອງບໍລິການ	ຜູ້ນໍາເຂົ້າຈະໄດ້ຮັບຄວາມເຊື່ອຖື ແລະ ໝັ້ນໃຈກັບຜູ້ຂາຍທີ່ຢູ່ຕ່າງປະເທດ ໃນການຊໍາລະຄ່າສິນຄ້າຖືກຕ້ອງຕາມກຳນົດເວລາ. ຜູ້ນໍາເຂົ້າໝັ້ນໃຈ ແລະຫາຍກັງວົນວ່າໄດ້ຈ່າຍເງິນໃຫ້ກັບຜູ້ຂາຍທີ່ປະຕິບັດຖືກຕ້ອງຕາມ ເງື່ອນໄຂຕ່າງໆ ໃນ L/C. ປະຢັດເວລາ, ຄ່າໃຊ້ຈ່າຍ ແລະຄວາມສ່ຽງໃນການເຮັດໜ້າທີ່ຊໍາລະຄ່າສິນຄ້າທີ່ນໍາເຂົ້າ ດ້ວຍຕົນເອງ. ຜູ້ນໍາເຂົ້າສາມາດຂໍວົງເງິນສິນເຊື່ອກັບທະນາຄານໄດ້, ເມື່ອທ່ານມີເງິນທຶນໝູນວຽນບໍ່ພຽງພໍເພື່ອຊໍາລະສິນຄ້ານໍາເຂົ້າ. ການຂໍເປີດ L/C ກັບ ທະນາຄານສະດວກ, ວ່ອງໄວ ແລະ ງ່າຍດາຍ. ທະນາຄານຈະເປັນຜູ້ກວດກາຄວາມຖືກຕ້ອງຂອງເອກະສານໃຫ້ກັບທ່ານ.
ເງື່ອນໄຂໃນ ການໃຊ້ບໍລິການ	ຜູ້ນໍາເຂົ້າຕ້ອງມີໜັງສືອະນຸຍາດການນໍາເຂົ້າສິນຄ້າຈາກຕ່າງປະເທດຖືກຕ້ອງຕາມກົດ ໝາຍ. ຖ້າຜູ້ນໍາເຂົ້າບໍ່ມີເງິນພຽງພໍໃນການຊໍາລະສິນຄ້າທ່ານສາມາດຂໍວົງເງິນສິນເຊື່ອກັບທະນາຄານເພື່ອເປີດ L/C ໃນການນໍາເຂົ້າສິນຄ້າ. ປະກອບເອກະສານ ແລະຂຽນຟອມຂໍເປີດ L/C ກັບທະນາຄານ.
ເອກະສານປະກອບ	ຜູ້ນໍາເຂົ້າຕ້ອງມີໜັງສືສັນຍາການຊື້-ຂາຍ ຫຼື ໜັງສືເກັບກໍາສິນຄ້າ (invoice). ປະກອບແບບຟອມຕ່າງໆທີ່ທາງທະນາຄານໄດ້ກໍານົດໃຫ້.
ຂໍ້ມູນເພີ່ມເຕີມ	ສອບຖາມລາຍລະອຽດເພີ່ມເຕີມໄດ້ທີ່ ຂະແໜງໜັງສືສິນເຊື່ອ ແລະ ຄໍ້າປະກັນ ໂທ: 021-213200 ຕໍ່ 316, 317

2. ບໍລິການອອກໜັງສືຄ້ຳປະກັນ ສິນຄ້າອອກສາງ

ບໍລິການອອກໜັງສືຄ້ຳປະກັນ ສິນຄ້າອອກສາງ
ຄຸນລັກສະນະ	ທ່ານສາມາດນໍາສິນຄ້າອອກຈາກທ່າເຮືອ ໄດ້ທັນທີທີ່ເດີນທາງມາເຖິງ ໂດຍບໍ່ຕ້ອງລໍ ຖ້າເອກະສານຕົ້ນສະບັບຂອງຜູ້ຂາຍສິນຄ້າມາເຖິງ ດ້ວຍການບໍລິການອອກໜັງສືຄ້ຳປະກັນ ການອອກສິນຄ້າທາງເຮືອຂອງທະນາຄານການຄ້າຕ່າງປະເທດລາວ ມະຫາຊົນ ທີ່ໄດ້ຮັບຄວາມເຊື່ອຖື ຈາກບໍລິສັດຂົນສົ່ງສິນຄ້າທາງເຮືອຊັ້ນນໍາທົ່ວໂລກ ຈະຊ່ວຍໃຫ້ທ່ານຮັບສິນຄ້າໄດ້ຢ່າງສະດວກ ວ່ອງໄວ ປະຢັດທັງເງິນ ແລະເວລາ
ຜົນປະໂຫຍດ ຂອງບໍລິການ	ຜູ້ ນໍາເຂົ້າສາມາດຮັບສິນຄ້າໄດ້ໄວ, ທັນກັບຄວາມຕ້ອງການເຮັດໃຫ້ທ່ານສາມາດ ຈໍາ ໜ່າຍສິນຄ້າໄດ້ທັນເວລາ ໂດຍທີ່ບໍ່ຕ້ອງເສຍຄ່າໃຊ້ຈ່າຍອື່ນໆເພີ່ມເຕີມເຊັ່ນ: ຄ່າສາງເກັບ ຮັກສາສິນຄ້າ ແລະອື່ນໆ. ເສີມສະພາບຄ່ອງໃຫ້ກັບທຸລະກິດຂອງທ່ານ ເພາະການທີ່ໄດ້ຮັບສິນຄ້ານໍາເຂົ້າໄວນັ້ນ ເຮັດໃຫ້ທ່ານສາມາດນໍາສິນຄ້າໄປຈໍາໜ່າຍໄດ້ໄວຂຶ້ນ ຈຶ່ງໄດ້ຮັບເງິນຄ່າສິນຄ້າໄວຂຶ້ນ.
ເງື່ອນໄຂການໃຊ້ບໍລິການ	ຜູ້ນໍາເຂົ້າຕ້ອງມີໜັງສືອະນຸຍາດການນໍາເຂົ້າສິນຄ້າຈາກຕ່າງປະເທດຖືກຕ້ອງຕາມກົດໝາຍ.
ເອກະສານປະກອບ	ໃບຄໍາຮ້ອງຂໍອອກໜັງສືຄ້ຳປະກັນສິນຄ້າອອກສາງ. ໜັງສືຄ້ຳປະກັນການອອກສິນຄ້າຂອງບໍລິສັດຜູ້ຂົນສົ່ງ. ສໍາເນົາໜັງສືສົ່ງສິນຄ້າທາງເຮືອ. ສໍາເນົາ Invoice.
ຂໍ້ມູນເພີ່ມເຕີມ	ທ່ານ ສາມາດໂທສອບຖາມລາຍລະອຽດເພີ່ມເຕີມໄດ້ທີ່ ຂະແໜງໜັງສືສິນເຊື່ອ ແລະ ຄໍ້າປະກັນ ໂທ: 021-213200 ຕໍ່ 316, 317 ຫຼື 021-254 660

3. ຊໍາລະເອກະສານຮຽກເກັບເງິນຕາມສິນຄ້ານໍາເຂົ້າ

ຊໍາລະເອກະສານຮຽກເກັບເງິນຕາມສິນຄ້ານໍາເຂົ້າ
ຄຸນລັກສະນະ	ເປັນທາງເລືອກໜຶ່ງທີ່ຜູ້ນໍາເຂົ້າສິນຄ້າໃຊ້ບໍລິການໃນການຊໍາລະຄາສິນຄ້າ ແລະບໍລິການ ຕ່າງໆຜ່ານທາງທະນາຄານ. ເຊິ່ງຜູ້ນໍາເຂົ້າກັບຜູ້ຂາຍເຄີຍຊື້ຂາຍ ແລະມີຄວາມເຊື່ອຖືເຊິ່ງກັນ ແລະກັນແລ້ວໄດ້ຕົກລົງຊື້-ຂາຍສິນຄ້າ ໂດຍໃຊ້ວິທີການຊໍາລະເງິນດ້ວຍວິທີຮຽກເກັບເງິນຕາມ ສິນຄ້ານໍາເຂົ້າ. ເມື່ອຜູ້ຂາຍສົ່ງສິນຄ້າຮຽບຮ້ອຍແລ້ວຈະສົ່ງເອກະສານຜ່ານທະນາຄານຜູ້ ຂາຍ ເພື່ອໄປຮຽກເກັບເງິນຈາກຜູ້ນໍາເຂົ້າສິນຄ້າຜ່ານທະນາຄານຜູ້ນໍາເຂົ້າ.
ຜົນປະໂຫຍດ ຂອງບໍລິການ	ຜູ້ນໍາເຂົ້າສາມາດກວດກາຄວາມຖືກຕ້ອງຂອງສິນຄ້ານໍາເຂົ້າໄດ້ກ່ອນການຊໍາລະເງິນຄ່າ ສິນຄ້າ. ຂັ້ນຕອນ ແລະຄ່າໃຊ້ຈ່າຍຖືກກ່ວາການເປີດ L/C . ຜູ້ນໍາເຂົ້າຍັງບໍ່ທັນໄດ້ຊໍາລະເງິນທັນທີ ແຕ່ສາມາດກວດກາຄວາມຖືກຕ້ອງເມື່ອສິນຄ້າ ໄດ້ມາເຖິງ. ບໍ່ຈໍາເປັນຂໍວົງເງິນສິນເຊື່ອກັບທະນາຄານ.
ເງື່ອນໄຂໃນ ການໃຊ້ບໍລິການ	ກໍລະນີ ຜູ້ນໍາເຂົ້າເປັນລູກຄ້າຂອງທະນາຄານ, ທາງທະນາຄານຈະແຈ້ງໃຫ້ຜູ້ນໍາເຂົ້າມາ ຊໍາລະເງິນ ຫຼືຢືນຢັນຮັບຮອງ ເມື່ອທາງທະນາຄານໄດ້ຮັບເອກະສານຮຽກເກັບຈາກທະນາ ຄານຜູ້ຂາຍ. ກໍລະນີຜູ້ນໍາເຂົ້າບໍ່ມີບັນຊີກັບທະນາຄານ, ທະນາຄານຈະສົ່ງເອກະສານໄປຍັງທະນາ ຄານຜູ້ຊື້ມີບັນຊີ.
ຂໍ້ມູນເພີ່ມເຕີມ	ທ່ານ ສາມາດໂທສອບຖາມລາຍລະອຽດເພີ່ມເຕີມໄດ້ທີ່ ຂະແໜງໜັງສືສິນເຊື່ອ ແລະ ຄໍ້າປະກັນ ໂທ: 021-213200 ຕໍ່ 316, 317 ຫຼື 021-254 660

4. ບໍລິການສິນເຊື່ອເພື່ອນໍາເຂົ້າສິນຄ້າ

ບໍລິການສິນເຊື່ອເພື່ອນໍາເຂົ້າສິນຄ້າ
ຄຸນລັກສະນະ	ທະນາຄານການຄ້າຕ່າງປະເທດລາວ ມະຫາຊົນ ຊ່ວຍເສີມສະພາບຄ່ອງທາງການເງິນ ໃຫ້ກັບທຸ ລະກິດຂອງທ່ານ ໃນກໍລະນີທີ່ຜູ້ນໍາເຂົ້າຂາດສະພາບຄ່ອງ ບໍ່ສາມາດຊໍາລະເງິນຕາມໜັງສື ຮຽກເກັບໄດ້ ແລະມີຄວາມຈໍາເປັນຕ້ອງນໍາສິນຄ້າອອກກ່ອນ ທາງທະນາຄານຈະໃຫ້ບໍລິການ ສິນເຊື່ອທີ່ອໍານວຍຄວາມສະດວກໃຫ້ຜູ້ນໍາເຂົ້າຮັບສິນຄ້ານໍາເຂົ້າໄດ້ ທັນທີ ເມື່ອສິນຄ້າມາເຖິງທ່າເຮືອ ເພື່ອນໍາສິນຄ້າໄປຜະລິດ ຫຼືຈໍາໜ່າຍໄດ້ກ່ອນນໍາເງິນມາຊໍາລະຄືນທະນາຄານໃນພາຍຫຼັງ ດ້ວຍເຄຣດິດສູງເຖິງ 180 ວັນ.
ຜົນປະໂຫຍດ ຂອງບໍລິການ	ຜູ້ນໍາເຂົ້າໄດ້ຮັບເງິນທຶນໝູນວຽນເພື່ອສາມາດຊໍາລະໃຫ້ແກ່ຜູ້ຂາຍສິນຄ້າ. ສາມາຜ່ອນຊໍາລະກັບທະນາຄານຕາມເງື່ອນໄຂທີ່ໄດ້ຕົກລົງກັນ. ສາມາດຮັບສິນຄ້າ ເພື່ອໄປຜະລິດ ຫຼືຈໍາໜ່າຍ ໄດ້ກ່ອນ.
ເງື່ອນໄຂໃນ ການໃຊ້ບໍລິການ	ຜູ້ນໍາເຂົ້າຕ້ອງມີໜັງສືອະນຸຍາດການນໍາເຂົ້າສິນຄ້າຈາກຕ່າງປະເທດຖືກຕ້ອງຕາມກົດ ໝາຍ.
ເອກະສານປະກອບ	ໃບຄໍາຮ້ອງຂໍສິນເຊື່ອເພື່ອການຊໍາລະຄ່າສິນຄ້າ. ເອກະສານຮຽກເກັບຕາມສິນຄ້ານໍາເຂົ້າ (Import Bill for Collection).
ຂໍ້ມູນເພີ່ມເຕີມ	ສອບຖາມລາຍລະອຽດເພີ່ມເຕີມໄດ້ສາມາດສອບຖາມທີ່: ຂະແໜງໜັງສືສິນເຊື່ອ ແລະ ຄໍ້າປະກັນ ໂທ:021-213200 ຕໍ່ 316, 317 ຫຼື 021-254 660

5. ໂອນຊໍາລະຄ່າສິນຄ້ານໍາເຂົ້າ

ໂອນຊໍາລະຄ່າສິນຄ້ານໍາເຂົ້າ
ຄຸນລັກສະນະ	ເປັນ ທາງເລືອກທີ່ຜູ້ນໍາເຂົ້າ ແລະຜູ້ຂາຍທີ່ໄດ້ຊື້-ຂາຍນໍາກັນຫຼາຍຄັ້ງມີຄວາມເຊື່ອໝັ້ນ ເຊິ່ງກັນ ແລະກັນໄດ້ຕົກລົງນໍາກັນວ່າຈະຊໍາລະເງິນໃຫ້ກ່ອນ ຫຼື ຫຼັງການສົ່ງເຄື່ອງໂດຍບໍ່ຈໍາ ເປັນຕ້ອງເປີດ L/C ຫຼື ສົ່ົງເອກະສານຮຽກເກັບຜ່ານທາງທະນາຄານ ແຕ່ຜູ້ນໍາເຂົ້າຈະໃຫ້ທະ ນາຄານໂອນເງິນຄ່າສິນຄ້າໃຫ້ກັບຜູ້ຊື້ດ້ວຍການແຈ້ງເລກບັນຊີ ແລະທະນາຄານຜູ້ຂາຍໃຫ້ກັບ ທະນາຄານ.
ຜົນປະໂຫຍດ ຂອງບໍລິການ	ປະຢັດເວລາ, ຄ່າໃຊ້ຈ່າຍໃນການຊໍາລະຄ່າສິນຄ້າຕໍ່າ, ຂັ້ນຕອນກະທັດຮັດ, ບໍ່ຫຍຸ້ງຍາກ. ສາມາດຍື່ນເອກະສານຂໍໂອນໄດ້ທຸກສາຂາຂອງທະນາຄານ. ຜູ້ນໍາເຂົ້າເປັນຜູ້ເຮັດໜ້າທີ່ໃນການຊໍາລະສະສາງດ້ວຍຕົນເອງ.
ເງື່ອນໄຂໃນ ການໃຊ້ບໍລິການ	ຜູ້ນໍາເຂົ້າຕ້ອງມີໜັງສືອະນຸຍາດການນໍາເຂົ້າສິນຄ້າຈາກຕ່າງປະເທດຖືກຕ້ອງຕາມກົດໝາຍ. ຖ້າຜູ້ນໍາເຂົ້າບໍ່ມີເງິນພຽງພໍໃນການຊໍາລະສິນຄ້າ ທ່ານສາມາດຂໍວົງເງິນສິນເຊື່ອກັບທະນາຄານ ເພື່ອເປີດ L/C ໃນການນໍາເຂົ້າສິນຄ້າ. ປະກອບເອກະສານ ແລະຂຽນຟອມຂໍເປີດ L/C ກັບທະນາຄານ.
ຂໍ້ມູນເພີ່ມເຕີມ	ສອບຖາມລາຍລະອຽດເພີ່ມເຕີມໄດ້ທີ່: ຂະແໜງໜັງສືສິນເຊື່ອ ແລະ ຄໍ້າປະກັນ ໂທ:021-213200 ຕໍ່ 316, 317 ຫຼື 021-254 660

ຫົວຂໍ້ກ່ຽວຂ້ອງ

ບໍລິການ ສົ່ງອອກສິນຄ້າ

ໜັງສື ຄໍ້າປະກັນ

ເບິ່ງທັງໝົດ

ເບິ່ງລາຍລະອຽດເພີ່ມເຕີມ

ວີດີໂອໂຄສະນາຕ່າງໆ

ເຄື່ອງຄຳນວນອັດຕາຕ່າງໆ

ປະຕິທິນ ທຄຕລ 2025