ຂ່າວສານ ສະໝັກວຽກ ແບບຟອມຕ່າງໆ ກິດຈະກໍາ & ໂປຼໂມຊັນ ຂາຍດິນ ແລະ ເຮືອນ ອີເມວ EN

ບໍລິການ ສົ່ງອອກສິນຄ້າ

ບໍລິການ ສົ່ງອອກສິນຄ້າ

1. ແຈ້ງ L/C

ແຈ້ງ L/C
ຄຸນລັກສະນະ	ເປັນບໍລິການທີ່ອຳນວຍຄວາມສະດວກໃຫ້ກັບທ່ານຜູ້ທີ່ສົ່ງອອກສິນຄ້າໃຫ້ ກັບຜູ້ຊື້ຢູ່ຕ່າງ ປະເທດໂດຍທັງສອງຝ່າຍໄດ້ຕົກລົງເງື່ອນໄຂໃນການຊໍາລະເງິນດ້ວຍ ແລັດເຕີອອຟ໌ເຄຣດິດ (L/C). ທາງ ທຄຕລ ຈະແຈ້ງການເປີດເຄຣດິດທີ່ໄດ້ຮັບຈາກທະນາຄານ ຂອງຜູ້ຊື້ສິນຄ້າຂອງທ່ານພ້ອມທັງແຈ້ງໃຫ້ທ່ານຮູ້ທັນທີທີ່ສົ່ງມາ ເຖິງທະນາຄານ ແລະຫຼັງຈາກທະນາຄານໄດ້ກວດ ສອບ ໜັງສືສິນເຊື່ອເປັນທີ່ຮຽບຮ້ອຍແລ້ວ ດ້ວຍເຄືອຂ່າຍພັນທະມິດທົ່ວໂລກ. ທະນາຄານການຄ້າຕ່າງປະເທດລາວ ມະຫາຊົນ ສາມາດຮັບ ແລະກວດສອບໜັງສືສິນເຊື່ອ ຈາກທະນາຄານຫຼາຍແຫ່ງ ທົ່ວໂລກ. ທະນາຄານການຄ້າຕ່າງປະເທດລາວ ມະຫາຊົນ ໃຫ້ບໍລິການຮັບຮອງ ໜັງສືສິນເຊື່ອ ອຳນວຍຄວາມສະດວກໃຫ້ທ່ານດ້ວຍການກວດສອບເອກະສານພ້ອມທັງຮັບຮອງ ໜັງສືສິນເຊື່ອເພື່ອໃຫ້ ທ່ານໝັ້ນໃຈໄດ້ວ່າທະນາຄານຜູ້ເປີດໜັງສືສິນເຊື່ອ ສາມາດຊໍາລະສິນຄ້າໃຫ້ທ່ານຕາມ ເງື່ອນໄຂ ແລະລາຍລະອຽດທີ່ທ່ານ ກັບຜູ້ຊື້ໄດ້ຕົກລົງກັນໄວ້ ຊ່ວຍໃຫ້ທ່ານສົ່ງອອກສິນຄ້າໄປທົ່ວໂລກໄດ້ຢ່າງສະບາຍໃຈ ແລະ ບໍ່ຕ້ອງກັງວົນວ່າຈະບໍ່ໄດ້ຮັບເງິນຄ່າສິນຄ້າ ເນື່ອງມາຈາກປັດໃຈ ຄວາມສ່ຽງດ້ານຄວາມໝັ້ນຄົງຂອງທະນາຄານ ຫຼືປະເທດຂອງຜູ້ຊື້.
ຜົນປະໂຫຍດ ຂອງບໍລິການ	ທ່ານຈະໄດ້ຮັບແຈ້ງຈາກທະນາຄານທັນທີເມື່ອທະນາຄານໄດ້ຮັບ L/C. ທະນາຄານຊ່ວຍທ່ານໃນການກວດກາຄວາມຖືກຕ້ອງຂອງ L/C ແລະໃຫ້ຄໍາປຶກສາ. ທ່ານຍັງຈະໄດ້ຮັບການສະໜັບສະໜູນວົງເງິນສິນເຊື່ອເພື່ອການສົ່ງອອກຈາກທະນາຄານດ້ວຍເງື່ອນໄຂ ແລະ ດອກເບ້ຍພິເສດ. ຜູ້ສົ່ງອອກໝັ້ນໃຈວ່າເມື່ອສົ່ງສິນຄ້າອອກ ແລະ ປະຕິບັດຖືກຕ້ອງຕາມເງື່ອນໄຂໃນ L/C ຈະ ໄດ້ຮັບການຊໍາລະເງິນຢ່າງແນ່ນອນ.
ເງື່ອນໄຂໃນ ການໃຊ້ບໍລິການ	ພຽງແຕ່ຜູ້ສົ່ງອອກແຈ້ງໃຫ້ຜູ້ຊື້ສິນຄ້າຢູ່ຕ່າງປະເທດ ເປີດ L/C ມາຫາທະນາຄານ ຜ່ານ SWIFT Code: COEBLALA.
ຂໍ້ມູນເພີ່ມເຕີມ	ສອບຖາມລາຍລະອຽດເພີ່ມເຕີມໄດ້ທີ່: ຂະແໜງໜັງສືສິນເຊື່ອ ແລະ ຄໍ້າປະກັນ ໂທ:021-213200 ຕໍ່ 316, 317 ຫຼື 021-254 660

2. ສິນເຊື່ອເພື່ີອການສົ່ງອອກ ຫຼື (Packing Credit)

ສິນເຊື່ອເພື່ີອການສົ່ງອອກ (ຫຼື Packing Credit)
ຄຸນລັກສະນະ	ສິນເຊື່ອເພື່ອການສົ່ງອອກ ຫຼື Packing Credit ເປັນໜຶ່ງໃນນະໂຍບາຍການສົ່ງເສີມການຜະລິດພາຍໃນເພື່ອການສົ່ງອອກໃນຮູບແບບໃຫ້ສິນເຊື່ອໄລຍະສັ້ນ ເປັນທຶນໝູນວຽນທີ່ຊ່ວຍເພີ່ມສະພາບຄ່ອງໃນການສັ່ງຊື້ວັດຖຸດິບ ຫຼື ການຜະລິດສິນຄ້າເພື່ອສົ່ງອອກ ພຽງສະແດງເອກະສານການຕົກລົງເຮັດສັນຍາຊື້-ຂາຍ ລະຫວ່າງທ່ານກັບຜູ້ຊື້ ເຊັ່ນ: ໜັງສືສິນເຊື່ອ, ສັນຍາຊື້-ຂາຍ, ໃບສະເໜີລາຄາຫຼືໃບສັ່ງຊື້ທ່ານກໍ່ມີສິດຍື່ນຄໍາຂໍໃຫ້ບໍລິການສິນເຊື່ອ ເພື່ອການສົ່ງອອກໄດ້ໂດຍບໍ່ຫຍຸ້ງຍາກ.
ຜົນປະໂຫຍດ ຂອງບໍລິການ	ຜູ້ສົ່ງອອກຈະໄດ້ຮັບການສະໜັບສະໜູນເງິນທຶນໝູນວຽນເພື່ອດຳເນີນທຸລະກິດໄດ້ຢ່າງ ຄອ່ງຕົວ ແລະຕໍ່ເນື່ອງ. ທ່ານຈະໄດ້ຮັບອະນຸມັດວົງເງິນໄວ ທັນກັບຄວາມຕ້ອງການ.
ເງື່ອນໄຂໃນ ການໃຊ້ບໍລິການ	ທ່ານຕ້ອງມີເອກະສານສັນຍາຊື້-ຂາຍ, ໃບສະເໜີລາຄາ,... ທ່ານຕ້ອງແຈ້ງຈຸດປະສົງເພື່ອຂໍສິນເຊື່ອໃນການສົ່ງອອກກັບທະນາຄານ.
ຂໍ້ມູນເພີ່ມເຕີມ	ສອບຖາມລາຍລະອຽດເພີ່ມເຕີມໄດ້ທີ່: ຂະແໜງໜັງສືສິນເຊື່ອ ແລະ ຄໍ້າປະກັນ ໂທ:021-213200 ຕໍ່ 316, 317 ຫຼື 021-254 660

3. ຮັບຊື້ເອກະສານໜັງສືສິນເຊື່ອ (Negotiation Discount L/C)

ຮັບຊື້ເອກະສານໜັງສືສິນເຊື່ອ (Negotiation Discount L/C)
ຄຸນລັກສະນະ	ອີກໜຶ່ງບໍລິການທີ່ຊ່ວຍເສີມສະພາບຄ່ອງໃຫ້ແກ່ຜູ້ສົ່ງອອກ ໂດຍທ່ານສາມາດຮັບເງິນຄ່າສິນຄ້າລ່ວງໜ້າຈາກທະນາ ຄານການຄ້າຕ່າງປະເທດຕ່າງປະເທດລາວກ່ອນໄດ້ ຮັບເງິນຕາມການຮຽກເກັບເງິນ ຈາກທະນາ ຄານຂອງຜູ້ຊື້ຕາມໜັງສືສິນເຊື່ອເຊິ່ງເປັນທາງເລືອກສໍາລັບ ທ່ານວ່າຈະໃຊ້ສິນເຊື່ອໄລຍະສັ້ນນີ້ ຈາກ ທຄຕລ ໃນຊ່ວງທີ່ສິນຄ້າກໍາລັງເດີນ ທາງໄປເຖິງຜູ້ຊື້ ຫຼື ຈະຖ້າຮັບເງິນຄ່າສິນຄ້າຈາກທະນາຄານຂອງຜູ້ຊື້ ພາຍຫຼັງໄດ້ຮັບເງິນຕາມການຮຽກເກັບກໍ່ໄດ້.
ຜົນປະໂຫຍດ ຂອງບໍລິການ	ທ່ານ ຈະໄດ້ຮັບເງິນ ເພື່ອເປັນເງິນທຶນໝູນວຽນໄວຂຶ້ນ ໂດຍບໍ່ຈໍາເປັນລໍຖ້າໃຫ້ເຖິງເວລາຄົບກໍານົດຂອງໃບແລກເງິນອອກຕາມໜັງສືສິນເຊື່ອ.
ເງື່ອນໄຂໃນ ການໃຊ້ບໍລິການ	ຜູ້ສົ່ງອອກຕ້ອງສົ່ງສິນຄ້າອອກຕາມ L/C ທີ່ມີກໍານົດໄລຍະເວລາໃນການຊໍາລະເງິນ, ເອການສານການສົ່ງອອກຕາມທີ່ L/C ກໍານົດ.
ຂໍ້ມູນເພີ່ມເຕີມ	ສອບຖາມລາຍລະອຽດເພີ່ມເຕີມໄດ້ທີ່: ຂະແໜງໜັງສືສິນເຊື່ອ ແລະ ຄໍ້າປະກັນ ໂທ:021-213200 ຕໍ່ 316, 317 ຫຼື 021-254 660

4. ຮັບຊື້ເອກະສານຮຽກເກັບເງິນຕາມສິນຄ້າສົ່ງອອກ (Discount Bill)

ຮັບຊື້ເອກະສານຮຽກເກັບເງິນຕາມສິນຄ້າສົ່ງອອກ (Discount Bill)
ຄຸນລັກສະນະ	ເປັນບໍລິການທີ່ອຳນວຍຄວາມສະດວກໃຫ້ກັບທ່ານຜູ້ສົ່ງອອກສິນຄ້າ ແລະບໍລິການໄປຕ່າງປະເທດທ່ານສາມາດຮັບເງິນຄ່າສິນຄ້າສົ່ງອອກລ່ວງໜ້າຈາກທະນາຄານ ກ່ອນການທີ່ຮູ້ຜົນຂອງການຮຽກເກັບເງິນຈາກທະນາຄານຂອງຜູ້ຊື້ ໂດຍທະນາຄານຈະຮັບຊື້ເອກະສານສົ່ງອອກ ແລະ ນໍາເງິນເຂົ້າບັນຊີໃຫ້ກ່ອນ ຈຶ່ງຮຽກເກັບເງິນຕາມເອກະສານສົ່ງອອກຕໍ່ໄປ.
ຜົນປະໂຫຍດ ຂອງບໍລິການ	ຜູ້ສົ່ງອອກຈະໄດ້ມີແຫຼ່ງເງິນທຶນໝູນວຽນໄລຍະສັ້ນໄວ້ໃຊ້ໃນໄລຍະລໍ ຖ້າການຮຽກເກັບເງິນຕາມໃບຮຽກເກັບເງິນສິນຄ້າສົ່ງອອກ ຈາກຜູ້ຊື້ຢູ່ຕ່າງປະເທດ. ຜູ້ສົ່ງອອກຈະໄດ້ຮັບເງິນໄວຂຶ້ນ.
ເງື່ອນໄຂໃນ ການໃຊ້ບໍລິການ	ຜູ້ສົ່ງອອກຕ້ອງມີເອກະສານໃບຮຽກເກັບເງິນຕາມສິນຄ້າສົ່ງອອກ. ໜັງສືຮ້ອງຂໍຂາຍໃບຮຽກເກັບເງິນຕາມສິນຄ້າສົ່ງອອກ. ໜັງສືແຈ້ງລາຄາສິນຄ້າ.
ຂໍ້ມູນເພີ່ມເຕີມ	ສອບຖາມລາຍລະອຽດເພີ່ມເຕີມໄດ້ທີ່: ຂະແໜງໜັງສືສິນເຊື່ອ ແລະ ຄໍ້າປະກັນ ໂທ:021-213200 ຕໍ່ 316, 317 ຫຼື 021-254 660

5. ຮຽກເກັບເງິນຕາມເອກະສານການສົ່ງອອກ

ຮຽກເກັບເງິນຕາມເອກະສານການສົ່ງອອກ
ຄຸນລັກສະນະ	ເປັນບໍລິການທີ່ອຳນວຍຄວາມສະດວກ ແລະ ເພີ່ມຄວາມໝັ້ນໃຈໃຫ້ກັບທ່ານໃນການໄດ້ຮັບເງິນຊໍາລະຄ່າສິນຄ້າ ແລະ ບໍລິການຕ່າງໆຈາກຜູ້ຊື້ຢູ່ຕ່າງປະເທດໂດຍທີ່ທະນາຄານຈະຮຽກເກັບເງິນຕາມເອກະສານສົ່ງອອກສິນຄ້າດ້ວຍການສົ່ງເອກະສານຮຽກເກັບເງິນພ້ອມທັງຕິດຕາມການຊໍາເງິນຈາກທະນາຄານຂອງຜູ້ຊື້ຢູ່ຕ່າງປະເທດ.
ຜົນປະໂຫຍດ ຂອງບໍລິການ:	ທະນາຄານຈະເປັນຕົວແທນໃນການຮຽກເກັບເງິນຄ່າສິນຄ້າສົ່ງອອກ ເຊິ່ງຈະຊ່ວຍຫຼຸດ ພາລະໃນການຕິດຕາມການຊໍາລະເງິນ. ບໍ່ຈຳເປັນຕ້ອງມີວົງເງິນສິນເຊື່ຶອກັບທະນາຄານ. ທ່ານຈະໄດ້ຮັບເງິນຊໍາລະຄ່າສິນຄ້າສົ່ງອອກໄດ້ຢ່າງວ່ອງໄວ. ຜູ້ ສົ່ງອອກໝັ້ນໃຈໃນລະບົບການຮຽກເກັບເງິນທີ່ທະນາຄານເປັນຕົວແທນ ວ່າ ຜູ້ຊື້ຈະບໍ່ ສາມາດຮັບເອກະສານໄປຈາກທະນາຄານຫາກບໍ່ໄດ້ຊໍາລະເງິນເຕັມຈໍານວນໃຫ້ ກັບທະນາ ຄານທີ່ຮຽກເກັບເງິນເສຍກ່ອນ.
ເງື່ອນໄຂໃນ ການໃຊ້ບໍລິການ	ຜູ້ສົ່ງອອກຕ້ອງມີໜັງສືອະນຸຍາດການສົ່ງອອກສິນຄ້າໄປຕ່າງປະເທດຖືກຕ້ອງຕາມກົດ ໝາຍ. ປະກອບເອກະສານ ແລະຂຽນຟອມຂໍຮຽກເກັບເງິນທີ່ທາງທະນາຄານກໍານົດໃຫ້.
ເອກະສານປະກອບ	ເອກະສານອື່ນໆ ຕາມທີ່ຜູ້ສົ່ງອອກສິນຄ້າກັບຜູ້ຊື້ໄດ້ຕົກລົງກັນໄວ້.
ຂໍ້ມູນເພີ່ມເຕີມ	ສອບຖາມລາຍລະອຽດເພີ່ມເຕີມໄດ້ທີ່: ຂະແໜງໜັງສືສິນເຊື່ອ ແລະ ຄໍ້າປະກັນ ໂທ:021-213200 ຕໍ່ 316, 317 ຫຼື 021-254 660

6. ບໍລິການໂອນເຄຣດິດ

ບໍລິການໂອນເຄຣດິດ
ຄຸນລັກສະນະ	ເປັນບໍລິການທີ່ອຳນວຍຄວາມສະດວກໃຫ້ກັບທ່ານສາມາດໂອນໜັງສືສິນເຊື່ອ ເພື່ອເພີ່ມສະພາບຄ່ອງທາງທຸລະກິດໃຫ້ແກ່ທ່ານໄດ້ຢ່າງສະດວກ, ງ່າຍດາຍ ໃຫ້ທ່ານສາມາດໂອນໜັງສືສິນເຊື່ອໃນກໍລະນີທ່ານເປັນຜູ້ສົ່ງອອກທີ່ເຮັດໜ້າທີ່ເປັນພໍ່ຄ້າຄົນກາງ ແລະ ຕ້ອງການສັ່ງຊື້ສິນຄ້າຈາກຜູ້ຜະລິດ ທັງພາຍໃນແລະຕ່າງປະເທດ ຫຼືທ່ານເປັນຜູ້ຜະລິດສິນຄ້າເອງແຕ່ກໍາລັງການຜະລິດບໍ່ພຽງພໍ ຫຼື ບໍ່ສາມາດຜະລິດສິນຄ້າໄດ້ທັນຄວາມຕ້ອງການຈໍາເປັນຕ້ອງໂອນໃຫ້ຜູ້ຜະລິດລາຍອື່ນທີ່ເປັນພັນທະມິດຂອງທ່ານເພື່ອສົ່ງອອກແທນໂດຍບໍ່ຕ້ອງເຮັດທຸລະກໍາເພື່ອຊໍາລະໜີ້ຄືນໃໝ່
ຜົນປະໂຫຍດ ຂອງບໍລິການ	ຜູ້ສົ່ງອອກຈະໄດ້ຮັບຄວາມສະດວກໃນການເຮັດທຸລະກໍາໃນການສົ່ງອອກ ແລະເຮັດໃຫ້ທ່ານສາມາດດຳເນີນທຸລະກິດໄດ້ຢ່າງຄ່ອງຕົວ ແລະ ຕໍ່ເນື່ອງ. ຜູ້ສົ່ງອອກ ຈະໄດ້ຮັບການສະໜັບສະໜູນສິນຄ້າ ຈາກຜູ້ຜະລິດລາຍອື່ນເພື່ອຮັບປະກັນ ສິນຄ້າສົ່ງອອກຂອງທ່ານພຽງພໍໃນການສົ່ງອອກ. ຮັບປະກັນວ່າຜູ້ຜະລິດສິນຄ້າສົ່ງອອກ (ຜູ້ຮັບຜົນປະໂຫຍດທີສອງ) ຕ້ອງໄດ້ຮັບເງິນຄ່າ ສິນຄ້າຂອງຕົນຢ່າງແນ່ນອນ ເປັນການເພີ່ມໂອກາດທາງການຄ້າໃຫ້ກັບທ່ານຜູ້ສົ່ງອອກ ໃນກໍລະນີຜູ້ສົ່ງອອກຜະລິດ ສິນຄ້າໄດ້ທັນ ຫຼືບໍ່ພຽງພໍກັບຄໍາສັ່ງຊື້.
ເງື່ອນໄຂໃນ ການໃຊ້ບໍລິການ	ຜູ້ສົ່ງອອກຕ້ອງມີໜັງສືອະນຸຍາດການສົ່ງອອກສິນຄ້າໄປຕ່າງປະເທດຖືກຕ້ອງຕາມກົດ ໝາຍ. ຕ້ອງເປັນ L/C ປະເພດໂອນໄດ້ໂດຍມີຂໍ້ຄວາມ “Transferable” ລະບຸໃນ L/C ສະ ບັບນັ້ນ.
ຂໍ້ມູນເພີ່ມເຕີມ	ສອບຖາມລາຍລະອຽດເພີ່ມເຕີມໄດ້ທີ່: ຂະແໜງໜັງສືສິນເຊື່ອ ແລະ ຄໍ້າປະກັນ ໂທ:021-213200 ຕໍ່ 316, 317 ຫຼື 021-254 660

7. ບໍລິການໂອນສິດທິ ຮັບເງິນຕາມເຄຣດິດ

ບໍລິການໂອນສິດທິ ຮັບເງິນຕາມເຄຣດິດ
ຄຸນລັກສະນະ	ທະນາຄານພວກເຮົາໃຫ້ ບໍລິການໃຫ້ທ່ານສາມາດໂອນສິດທິການຮັບເງິນໃນໜັງສືສິນ ເຊື່ອບາງສ່ວນໃຫ້ລູກຄ້າລາຍໃດກໍ່ໄດ້ ເຊິ່ງຈະເປັນຜູ້ຮັບປະໂຫຍດແທນທ່ານ. ບໍລິການນີ້ຊ່ວຍ ໃຫ້ທ່ານໃຊ້ໜັງສືສິນເຊື່ອຈາກຜູ້ຊື້ຊໍາລະເງິນແກ່ Suppliers ຫຼືໂຮງງານໃນກໍລະນີທີ່ໜັງສືສິນ ເຊື່ອບໍ່ໄດ້ລະບຸວ່າ “Transferable” ເມື່ອທະນາຄານຮຽກເກັບເງິນຕາມໜັງສືສິນເຊື່ອໄດ້ແລ້ວ ກໍ່ຈະໂອນເຂົ້າບັນຊີຂອງຜູ້ຮັບປະໂຫຍດ ທີ່ທ່ານລະບຸໂດຍກົງ ທ່ານຈຶ່ງສາມາດຊື້ວັດຖຸດິບ ຫຼືສັ່ງຜະລິດສິນຄ້າໄດ້ໂດຍສະດວກ ແລະບໍ່ຕ້ອງຈັດເຮັດທຸລະກໍາເພື່ອຊໍາລະເງິນຄືນໃໝ່.
ຜົນປະໂຫຍດຂອງບໍລິການ	ເປັນການເພີ່ມໂອກາດທາງການຕະຫຼາດໃຫ້ກັບຜູ້ສົ່ງອອກ ສາມາດຕິດຕໍ່ກັບຜູ້ຜະລິດ ພາຍໃນເພື່ອເຮັດການຜະລິດແທນໄດ້ເພື່ອສາມາດສົ່ງສິນຄ້າໄດ້ຄົບຕາມ ຈໍານວນ ແລະທັນເວລາ. ເຮັດໃຫ້ໝົດບັນຫາໃນການເຮັດສັນຍາໂອນເງິນ ແລະຊໍາລະເງິນຄ່າສິນຄ້າໃຫ້ກັບຜູ້ຜະ ລິດເພາະ ທາງທະນາຄານຊ່ວຍອໍານວຍຄວາມສະດວກໃຫ້ຜູ້ສົ່ງອອກດ້ວຍການໂອນເງິນ ໄປຍັງຜູ້ຜະລິດຖືກຕ້ອງ ແລະຄົບຖ້ວນຕາມຄໍາສັ່ງທີ່ໄດ້ລະບຸໃນສັນຍາໂອນສິດການຮັບເງິນ.
ເງື່ອນໄຂໃນການໃຊ້ບໍລິການ	ຜູ້ສົ່ງອອກຕ້ອງມີໜັງສືອະນຸຍາດການສົ່ງອອກສິນຄ້າໄປຕ່າງປະເທດຖືກຕ້ອງຕາມກົດ ໝາຍ. ຕ້ອງມີສັນຍາໂອນສິດການຮັບເງິນ. ຕ້ອງມີໜັງສື L/C ທີ່ເປີດມາຈາກຕ່າງປະເທດ.
ຂໍ້ມູນເພີ່ມເຕີມ	ສອບຖາມລາຍລະອຽດເພີ່ມເຕີມໄດ້ທີ່: ຂະແໜງໜັງສືສິນເຊື່ອ ແລະ ຄໍ້າປະກັນ ໂທ:021-213200 ຕໍ່ 316, 317 ຫຼື 021-254 660

ຫົວຂໍ້ກ່ຽວຂ້ອງ

ໜັງສື ຄໍ້າປະກັນ

ບໍລິການຊື້-ຂາຍຄຳຜ່ານບັນຊີ

ເບິ່ງທັງໝົດ

ເບິ່ງລາຍລະອຽດເພີ່ມເຕີມ

ວີດີໂອໂຄສະນາຕ່າງໆ

ເຄື່ອງຄຳນວນອັດຕາຕ່າງໆ

ປະຕິທິນ ທຄຕລ 2024