ຟັງຊັນເປີດປິດບັດ Credit/Debit ອອນລາຍ

ໃຜທີ່ເຄີຍເຈິແບບນີ້ແນ່ ໃຊ້ບັດຈ່າຍທາງອອນລາຍບໍ່ໄດ້...

ບໍ່ວ່າຈະເປັນການຊື້ເຄື່ອງອອນລາຍ ຫຼື ຈອງປີ້ຍົນ...ຜ່ານເວບໄຊທ໌ ຫຼື ແອັບພີເຄຊັ້ນຕ່າງໆ

ສາເຫດແມ່ນຍ້ອນທ່ານບໍ່ເປີດຟັງຊັ້ນ “ເປີດ/ປິດບັດທາງອອນລາຍ” ຢູ່ໃນແອັບ BCEL One ນັ້ນເອງ.

ມາ... ມື້ນີ້ແອັດມິນຈະມາບອກ!!#3ຂັ້ນຕອນຕັ້ງຄ່າເປີດ/ປິດອອນລາຍໃຫ້ປະຕິບັດດັ່ງນີ້:

1. ພາຍຫຼັງທີ່ Login ເຂົ້າ BCEL One

2. ກົດໄປທີ່ຮູບບັດ BCEL Credit/Debit (ເລືອກບັດທີ່ທ່ານຕ້ອງການໃຊ້ຈ່າຍ)

3. ກົດໄປທີ່ Icon ເປີດ/ປິດອອນລາຍ ເພື່ອຕັ້ງຄ່າ:ສາມາດເລືອກຕັ້ງຄ່າໄດ້ 3 ຮູບແບບຄື:

- “ປິດ” (ທ່ານຄວນເລືອກກົດປຸ່ມປິດເມື່ອທ່ານບໍ່ຕ້ອງການຊື້ ຫຼື ຊໍາລະທາງອອນລາຍ)

- “ເປີດໄວ້ຈົນຮອດ ... ທຸລະກຳສິ້ນສຸດ” (ທ່ານສາມາດເລືອກໃຊ້ປຸ່ມນີ້ ກໍລະນີຕ້ອງການລະບຸ “ຈໍານວນຄັ້ງ” ທີ່ຈະຊື້ ຫຼື ຊໍາລະທາງອອນລາຍໄດ້. ຫຼັງຈາກມີການນໍາໃຊ້ຈ່າຍທາງອອນລາຍຄົບຕາມຈໍານວນຄັ້ງທີ່ທ່ານກໍານົດນັ້ນແລ້ວ ລະບົບຈະປິດການນຳໃຊ້ບັດຂອງທ່ານບໍ່ໃຫ້ຈ່າຍທາງອອນລາຍໂດຍອັດຕະໂນມັດ)

- “ເປີດໄວ້ພາຍໃນ...ນາທີ” (ທ່ານສາມາດເລືອກໃຊ້ປຸ່ມນີ້ ກໍລະນີຕ້ອງການກໍານົດ “ນາທີ” ຂອງການເປີດບັດໃຫ້ຊື້ ຫຼື ຊໍາລະທາງອອນລາຍໄດ້. ຫຼັງຈາກຄົບເວລາທີ່ທ່ານຕັ້ງໄວ້ແລ້ວ ລະບົບຈະປິດການນຳໃຊ້ບັດຂອງທ່ານບໍ່ໃຫ້ຈ່າຍທາງອອນລາຍໂດຍອັດຕະໂນມັດ)ຫຼັງຈາກເລືອກເງື່ອນໄຂຂ້າງເທິງແລ້ວ ໃຫ້ກົດບັນທຶກ ແລ້ວກົດຕົກລົງຫຼັງຈາກນັ້ນທ່ານກໍ່ສາມາດຄວບຄຸມການນໍາໃຊ້ບັດຊໍາລະອອນລາຍຢູ່ເວບໄຊທ໌ ຫຼື ແອັບພິເຄຊັນຕ່າງໆໄດ້ດ້ວຍຕົນເອງ.

#ໝາຍເຫດ: ໃຫ້ເລືອກປິດອອນລາຍໄວ້ທຸກຄັ້ງ ເມື່ອບໍ່ຕ້ອງການນໍາໃຊ້ບັດຊໍາລະຜ່ານທາງອອນລາຍ ເພື່ອຄວາມປອດໄພ.

#ເບິ່ງຂໍ້ມູນບັດຕ່າງໆໄດ້ທີ່ລິ້ງນີ້: https://www.bcel.com.la/bcel/product.html?prid=cards

------------------------------------------------------

ທະນາຄານການຄ້າຕ່າງປະເທດລາວ ມະຫາຊົນ

ທັນສະໄໝ ວ່ອງໄວ ໝັ້ນໃຈ

ສອບຖາມຂໍ້ມູນເພີ່ມຕື່ມ: