ບັນຊີເງິນຝາກກະແສລາຍວັນ
|
ຄຸນລັກສະນະ
|
- ບັນຊີເງິນຝາກກະແສລາຍວັນ ໝາຍເຖິງບັນຊີເງິນຝາກທີ່ບໍ່ມີກໍານົດ, ບໍ່ມີດອກເບັ້ຍ ແລະ ນໍາໃຊ້ແຊັກເປັນສິ່ງຢັ້ງຢືນການຊໍາລະສະສາງຕ່າງໆ ເຈົ້າຂອງບັນຊີສາມາດເຊັນແຊັກສັ່ງຈ່າຍແທນການນໍາໃຊ້ເງິນສົດ, ເໝາະສໍາລັບການດໍາເນີນທຸລະກິດ ແລະ ຜູ້ທີ່ມີຈຸດປະສົງຢາກນໍາໃຊ້ແຊັກເພື່ອສັ່ງຈ່າຍຕ່າງໆ ເຈົ້າຂອງບັນຊີຕ້ອງຮັກສາເງິນໃນບັນຊີເງິນຝາກໃຫ້ມີຍອດເຫຼືອພຽງພໍກັບການສັ່ງຈ່າຍໃນແຕ່ລະຄັ້ງ. ເງິນຝາກປະເພດນີ້ສາມາດຕອບສະໜອງຜົນປະໂຍດໃຫ້ແກ່ລູກຄ້າໃນແຕ່ລະວັນໄດ້ຢ່າງກ້ວາງຂວາງ ດ້ວຍຮູບການຕ່າງໆເຊັ່ນ: ການຊໍາລະສະສາງດ້ວຍແຊັກ, ການໂອນເງິນ ແລະ ສັ່ງຈ່າຍເປັນເງິນສົດ ໂດຍຜ່ານປ່ອງເຄົ້າເຕີ້ບໍລິການໃນໂມງບໍລິການຂອງວັນລັດຖະການ.
- ສາມາດນໍາໃຊ້ຮ່ວມກັບຜະລິດຕະພັນຕ່າງໆ ຂອງ ທຄຕລ ເຊັ່ນ: ບັດ ATM, VISA, JCB, BCEL ONE, SMS, I-BANK ແລະ ອື່ນໆ...ແລະ ສາມາດເປີດບັນຊີເງິນຝາກໃຫ້ລູກຄ້າ ຄື: ປະເພດບຸກຄົນທົ່ວໄປ, ປະເພດນິຕິບຸກຄົນ, ອົງການຈັດຕັ້ງຕ່າງໆ ແລະ ສະຖາບັນການເງິນ.
(ບໍ່ອະນຸຍາດ ເປີດບັນຊີເງິນຝາກກະແສລາຍວັນໃຫ້ເດັກທີ່ມີອາຍຸຕໍ່າກ່ວາ 18 ປີ)
|
ຜົນປະໂຫຍດ
ທີ່ໄດ້ຮັບ
|
- ເປັນບັນຊີທີ່ໃຊ້ໃນການໝູນວຽນເງິນໃນບັນຊີເພື່ອປະກອບທຸລະກິດ.
- ຫຼຸດຜ່ອນຄວາມສ່ຽງຕ່າງໆໃນການຮັກເງິນສົດໄວ້ຈຳນວນຫຼວງຫຼາຍເພື່ອທີ່ຈະລໍຖ້າຊໍາລະໃຫ້ລູກຄ້າ.
- ໃຊ້ແຊັກໃນການສັ່ງຈ່າຍ ເພື່ອຊໍາລະຄ່າສິນຄ້າ ແລະ ຄ່າບໍລິການຕ່າງໆແທນການນໍາໃຊ້ເງິນສົດ.
- ສາມາດຝາກ, ຖອນ ແລະ ໂອນເງິນໄດ້ຕາມຈຸດບໍລິການລູກຄ້າຂອງ ທຄຕລ ທົ່ວປະເທດ.
- ສາມາດຂໍຢັ້ງຢືນແຊັກເພື່ອຈ່າຍໃຫ້ລູກຄ້າ ຫຼື ໃຊ້ຄ້ຳປະກັນການປະມູນໄດ້.
- ສາມາດສະເໜີອອກບັດ ATM , ພາຍໃນ, ໝວດບັດສາກົນ Credit ແລະ Debit ຂອງ ທຄຕລ ທຸກປະເພດ ເພື່ອໃຊ້ບໍລິການ ຜ່ານຕູ້ ATM, ເຄື່ອງ EDC, ຜ່ານ Internet Banking ແລະ BCEL One.
- ສາມາດຕິດຕາມລາຍການເຄື່ອນໄຫວ ແລະ ຍອດເງິນເຫຼືອໃນບັນຊີຜ່ານຜະລິດຕະພັນ SMS Banking, BCEL One, Internet Banking.
- ສາມາດນໍາໃຊ້ເພື່ອຢັ້ງຢືນຖານະການເງິນ.
- ສາມາດຕິດຕາມອັດຕາດອກເບ້ຍ ຜ່ານເວັບໄຊທ໌ຂອງ ທຄຕລ (www. bcel.com.la)
|
ຄ່າບໍລິການ
|
- ວົງເງິນເປີດບັນຊີ ແລະ ຍອດເຫຼືອຕໍ່າສຸດໃນບັນຊີ ແມ່ນ 500.000 ກີບ, 50 ໂດລາ, 2.000 ບາດ, 100 ຢວນ
- ຄ່າທໍານຽມເປີດບັນຊີໃໝ່: 10,000 ກີບ, 2 ໂດລາ, 50 ບາດ, 10 ຢວນ/ບັນຊີ/ຄັ້ງ.
- ຂໍຊື້ປຶ້ມແຊັກທະນາຄານ: 50,000 ກີບ, 7 ໂດລາ, 220 ບາດ, 50 ຢວນ/ບັນຊີ/ຫົວ
- ອອກປື້ມແຊັກດ່ວນ (ຮັບພາຍໃນມື້) ເກັບເພີ່ມ 20.000 ກີບ, 3 ໂດລາ, 90 ບາດ, 20 ຢວນ
- ທຄຕລ ຈະເກັບຄ່າບຳລຸງຮັກສາບັນຊີເງິນຝາກປະເພດນີ້ຈຳນວນ 3.500 ກີບ, 0,50 ໂດລາ, 16 ບາດ, 5 ຢວນ/ບັນຊີ/ເດືອນ
|
ລະບຽບເງິນຝາກແສລາຍວັນ
|
- ນໍາໃຊ້ແຊັກໃນການເຄື່ອນໄຫວບັນຊີທຸກຄັ້ງ
- ແຊັກມີອາຍຸການນໍາໃຊ້ 180 ວັນ ນັບແຕ່ວັນທີທີ່ໄດ້ສັ່ງຈ່າຍເປັນຕົ້ນໄປ
- ກໍລະນີແຊັກມີການປ່ຽນແປງເນື້ອໃນການສັ່ງຈ່າຍເຊັ່ນ: ຊື່ ແລະ ນາມສະກຸນ, ເລກບັນຊີຜູ້ຮັບເງິນ, ວັນທີ ເດືອນ ປີ ສັ່ງຈ່າຍ, ຈຳນວນເງິນເປັນຕົວເລກ ແລະ ຈໍານວນເງິນເປັນຕົວໜັງສື, ຂີດຂ້າອອກຂຽນໃໝ່ ຕ້ອງມີການເຊັນກຳກັບເພື່ອຢັ້ງຢືນການປ່ຽນແປງດັ່ງກ່າວຈາກເຈົ້າຂອງ ບັນຊີຕາມເງື່ອນໄຂທີ່ລະບຸໄວ້ກັບທະນາຄານ
- ຫ້າມບໍ່ໃຫ້ລະບຸເນື້ອໃນການສັ່ງຈ່າຍທີ່ມີລັກສະນະ 2 ເງື່ອນໄຂ ເດັດຂາດເຊັ່ນ: ຈ່າຍໃຫ້ຮ້ານຂາຍສາຍໄຟຟ້າ/ນາງ ກໍ, ຈ່າຍໃຫ້ຮ້ານຂາຍສາຍໄຟຟ້າ/ສົດ, ຈ່າຍໃຫ້ ນາງ ກໍ/ສົດ,ຈ່າຍໃຫ້ຄັງເງິນແຫ່ງຊາດ/ນາງ ກໍ, ຈ່າຍໃຫ້ຄັງເງິນແຫ່ງຊາດ/ບໍລິສັດ, ຈ່າຍໃຫ້ຄັງເງິນແຫ່ງຊາດ/ສົດເປັນຕົ້ນ
- ກໍລະນີທີ່ຕ້ອງການນໍາແຊັກໄປຖອນ ຫຼື ໂອນເຂົ້າບັນຊີຢູ່ຕ່າງທະນາຄານຕ້ອງໄດ້ນໍາແຊັກມາຂໍຢັ້ງຢືນຈາກ ເຈົ້າໜ້າທີ່ທະນາຄານກ່ອນ.
|